Ўзбекистоннинг 10та клуби ОФК лицензиялашидан ўта олмади
02 янв 2019 17:29
Янгиликлар

Ўзбекистоннинг 10та клуби ОФК лицензиялашидан ўта олмади

Теглар : АГМК ОЧЛ-2019

ОФК 2019 йил учун лицензиядан ўтган клублар рўйхатини эълон қилди.

Бу ҳақда Алишер Никимбаев телеграмдаги ўз саҳифасида маълум қилди.

Ўзбекистондан лицензия олиш учун 17та клуб ариза юборган. Улардан тўрттаси ("Локомотив", "Пахтакор", "Бунёдкор", "Қизилқум") лицензия олди. Яна учта клуб ("Насаф", АГМК ва "Навбаҳор") санкциялар билан лицензия олишди. Қолган 10та клуб лицензиялашдан ўта олмади.

Санкциялар билан лицензия олиш дегани нима? Клуб А категория талабларини бажарган, аммо B категориянинг бир ёки бир нечта мажбурий бўлмаган талабларини бажармаган. Бундай ҳолатда клуб лицензия олади, аммо санкцияга тортилади (масалан, жарима). Яъни "Насаф", АГМК ва "Навбаҳор" лицензияга эга чиқишди, аммо маълум бир жазо ҳам олишди.

Агар АГМК санкциялар билан бўлса ҳам лицензиялашдан ўта олмаганида клуб мусобақада умуман иштирок эта олмас эди, - деб ёзади Никимбаев.

Ҳавола :

Манба : championat.asia

Янгиликларни Телеграмда ўқинг!

Рейтинг: +22