UZ

Сўнгги янгиликлар

01:14"Ливерпуль" янги битимни эълон қилди  0 00:47Баҳром Ҳайдаров: "Иккита мағлубиятдан сўнг фожиа ясаш нотўғри"  1 00:45Гвардиола мавсумда 16 та ўйинда мағлуб бўлди. "Ман Сити" устози фаолиятидаги антирекордни янгилади  0 23:38Рўзиқул Бердиев: "Қўқон-1912" анча курашувчан жамоа эканлигини билардик"  3 23:30Саудия Арабистони чемпионати. "Ал Файҳа" сўнгги дақиқаларда урилган голлар эвазига "Ал Ухдуд"ни мағлуб этди, Шукуров 90 дақиқа ўйнади  1 23:17ПСЖ — "Осер". Таркиблар маълум  0 22:46Суперлига. "Шўртан" мавсумдаги илк ғалабасини бир киши кам бўлиб қолган "Андижон" устидан қўлга киритди  79 22:31Англия кубоги. "Манчестер Сити" финалда "Кристал Пэлас"га мағлуб бўлиб, жорий мавсумда соврин ютиш имкониятини қўлдан чиқарди  82 21:51Вадим Абрамов: "Жуда ёмон ўйин намойиш этдик. Мухлислардан узр сўрайман"  3 21:31Улуғбек Бакаев: "Мағлубиятли сериядан сўнг қайд этилган дурангни яхши натижа деб ҳисоблайман"  9 21:20"Ливерпуль" 35 млн евролик трансферни амалга оширмоқда  4 20:57Суперлига. "Қўқон-1912" ўз майдонида "Насаф"га мағлуб бўлди   27 20:42Германия Бундеслигасида 2024/25 йилги мавсум якунланди  3 20:38РПЛ. "Рубин" меҳмонда учта тўп ўтказиб, мағлубиятга учради, Ашурматов бу сафар ҳам захирада қолдирилди  2 20:00Суперлига. Захирадан тушганлар ўзини кўрсатган "Бухоро" – "Динамо" ўйинида жанговар дуранг қайд этилди  24

Ўзбекистонда охирги имконият қолди, Осиёнинг 2 жамоаси плей-оффда. ЖЧ-2024 2-турдан кейинги ҳолат Янгиликлар

Ўзбекистонда охирги имконият қолди, Осиёнинг 2 жамоаси плей-оффда. ЖЧ-2024 2-турдан кейинги ҳолат

Бугун юртимиз мезбонлик қилаётган футзал бўйича ўнинчи Жаҳон чемпионатида 3-тур беллашувларига старт берилади.

Бугунги ўйинлар рўйхати.

20.09.2024

"Б" гуруҳи

17:30. Таиланд - Бразилия (Бухоро Универсал спорт комплекси)

17:30. Куба - Хорватия ("Ҳумо Арена")

"А" гуруҳи

20:00. Коста Рика - Ўзбекистон ("Ҳумо Арена")

20:00. Нидерландия - Парагвай (Бухоро Универсал спорт комплекси)


Аввало 2-турда қайд этилган натижаларни келтириб ўтамиз.


Рақамлар:

2-турнинг 12 ўйинида дарвозаларга жами 95 та тўп киритилган. Бу ҳар бир учрашувга ўртача 7.9 тадан гол дегани. Солиштириш учун 1-турда 84та гол урилганди;

5 карра Жаҳон чемпиони Бразилия иккинчи турда ҳам энг йирик ғалабага эришди - 8:1;

Энг сермаҳсул ўйин эса Таиланд ва Куба ўртасидаги баҳс бўлди, унда дарвозаларга жами 15та тўп киритилди;

- Ўзбекистон Парагвайга 1:4 ҳисобида имкониятни бой бериб қўйди, гуруҳдошимиз Нидерландия эса 2-турда ҳам дуранг ўйнади (Коста Рика билан 2:2);

- Амалдаги чемпион Португалия мундиалларда кетма-кет тўртинчи бор 1/8 финалга йўл олди. Улар ЖЧда 10 та учрашувдан бери ютқазишмаяпти, Португалия сўнгги бор ЖЧ-2016нинг ярим финалида Аргентинага 2:5 ҳисобида ютқазган;

- Испания футзалчилари Янги Зеландияга қарши учрашувда рақиб дарвозаси томон 108 та зарба йўллашган, шулардан 36 таси аниқ борган. Ҳисоб эса 7:1. Янги Зеландия посбони Михаил Антаманов 29 та сейв ижро этди;

- Аргентинанинг 7-рақамли ўйинчиси Матиас Роса Афғоғистонга қарши ўз туғилган кунида дубль қайд этди ва жамоасига ғалабани тақдим этди;

- Эрон терма жамоасида 24 ёшли Салар Агапур ЖЧда дебют қилмоқда. Қизиғи, Агапур дастлабки икки учрашувнинг ҳар иккисида "Man of the match" деб топилди. У айни пайтда Эрон терма жамоасининг ЖЧ-2024даги тўпурари ҳам бўлиб турибди (4 та гол);

Эрон аъзоси Салар Агапур.


P.S. Аёл ҳакам Ориано Самбрано футзал бўйича ЖЧ тарихига кирди. У 1-тур доирасидаги Тожикистон - Марокаш баҳсида бош ҳакам бўлган эди. Шу тариқа, Ориано футзал Жаҳон чемпионатида ҳакамлик қилган илк венесуэлалик бўлди.



Бугунги ўйинлар олдидан мундиалнинг иккинчи туридан кейин гуруҳлардаги ҳолатни эътиборингизга ҳавола этамиз.

"А" гуруҳида Парагвай 100 фоизлик натижа билан плей-оффга муддатидан олдин биринчи ўрин билан чиқди. Ўзбекистон эса гуруҳдан камида иккинчи ўрин билан чиқиш учун бугун Коста Рикани мағлуб этиши ва Нидерландия Парагвайни ютмаслиги керак.


"Б" гуруҳида Бразилия ҳамда Осиё вакили Таиланд дастлабки икки турда ғалаба қозонди ва муддатидан олдин плей-оффга йўл олди. Бугун улар ўзаро беллашишади ва ким биринчи ўрин бўлишини аниқлаб олишади.


"С" гуруҳида Аргентинада 6, Афғонистон ва Украина эса 3 очкога эга. Ангола эса бу турда Аргентина билан ўйнайди ва катта эҳтимол гуруҳдан кейин уйга қайтади.


"Д" гуруҳида кутилганидек Испания ва Қозоғистон пешқадамлик қилмоқда. Ливия эса 3 очкога эга ва 3-ўрин билан гуруҳдан чиқиш учун яхши имкониятга эга.


"Е" гуруҳида Португалия ва Марокаш 100 фоизлик натижа қайд этиб турибди. Бу турда улар ўзаро тўқнашувда гуруҳ ғолибини аниқлаб олишади. Қўшни Тожикистон ва Панама эса 3-ўрин билан чиқадиганлар сафида бўлиш учун ўзаро курашишади.


"Ф" гуруҳида фаворит Эрон биринчи ўринда, "сирли тулпор" бўлишини тахмин қилганим Францияда ҳам 6 очко бор. 3-тур бу икки жамоа гуруҳ ғолибини ўзаро курашда аниқлаб олишади. Венесуэла - Гватемала ўйинида эса дуранг натижа қайд этилганиҳамма учун маъқул бўларди.


Айни пайтга келиб нимчорак финалнинг 8 иштирокчиси аниқ бўлиб улгурди. Булар: Парагвай, Бразилия, Таиланд, Аргентина, Португалия, Марокаш, Эрон, Франция.

Муаллиф : Tolibjon Qosimov
Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика