Валерий Лобановский хотира турнири. Ўзбекистон Озарбайжон билан ўйиндан олдин расмий машғулот ўтказди
27 май 2021 11:08
Янгиликлар

Валерий Лобановский хотира турнири. Ўзбекистон Озарбайжон билан ўйиндан олдин расмий машғулот ўтказди

Бугун Ўзбекистон U-21 терма жамоаси Украинада анъанавий Валерий Лобановский халқаро хотира турниридаги ўз иштирокини бошлайди.

Тимур Кападзе мураббийлиги остидаги мазкур терма жамоа вакиллари кеча Киев шаҳрида ўйин олди расмий машғулот ўтказди.

Ёшларимиз бугун "Оболон-Арена" майдонида озарбайжонлик тенгдошларига қарши кураш олиб боради. Учрашув Ўзбекистон вақти билан соат 19.00 да старт олади. Жамоамиз вакиллари ўйин давомида оқ рангли либосларда ҳаракат қилади.

Маълумот ўрнида, Озарбайжоннинг шу ёшдаги терма жамоаси кеча Украина вакилларига қарши тўп тепди ва кичик 1-0 ҳисобида ғалаба қозонди.