Ўзбекистон U-20ни Янги Зеландияга кузатиш маросими ўтказилди

Улар Тошкент-Дубай-Сидней-Веллингтион йўналишида парвоз қилади.

Кеча “Ўзбекистон” меҳмонхонасида ёшлар терма жамоасини кузатиш маросими ташкил этилди. Тадбирда Ўзбекистон U-20 футболчилари ва мураббийлар штабидан ташқари Ўзбекистон Футбол Федерацияси биринчи вице-президенти Сардор Раҳматуллаев, ЎФФ фахрийлар кенгашги раиси Наримон Жалолов, ЎФФ қошидаги келишилган ўйинларни аниқлаш бўйича экспертлар кенгаши раиси Ахрол Иноятов, терма жамоалар маркази техник директори Рустам Акрамов, футбол фахрийси Ахбор Имомхўжаевлар иштирок этишди.

Эслатиб ўтамиз, 20 ёшгача бўлган футболчилар ўртасидаги Жаҳон Чемпионати 30 май куни старт олади. Ўзбекистон ёшлар терма жамоаси ўзининг бирични ўйинини 1 июнь куни, Гондурасга қарши ўтказади. Ўйин Тошкент вақти билан 09:00да бошланади.