Ўзбекистон U-16 термаси устози Жамолиддин Раҳматуллаев: "Нафақат Осиё, балки Жаҳон чемпионатида қатнашишни ният қилганмиз"
24 май 2022 17:08
Янгиликлар

Ўзбекистон U-16 термаси устози Жамолиддин Раҳматуллаев: "Нафақат Осиё, балки Жаҳон чемпионатида қатнашишни ният қилганмиз"

Ўзбекистон U-16 терма жамоаси бош мураббийи Жамолиддин Раҳматуллаев бугунги қуръа натижалари хусусида фикр билдирди.

"Қуръа жараёнини тўғридан-тўғри эфирда кузатиб бордик. Жанубий Корея, Бруней ва Шри-Ланка билан бир гуруҳдан жой олдик.
Жамоамиз юқори мақсадларни кўзлаган. Нафақат Осиё, балки Жаҳон чемпионатида қатнашишни ният қилганмиз. Яқинда бўлиб ўтган "CAFA U-16 Championship" мусобақаси кўрсатдики, яхши тайёргарлик олиб борсак, ҳар қандай жамоага муносиб қаршилик кўрсата оламиз.
Худо хоҳласа тайёргарлик жараёнини оптимал даражага келтириб, саралаш ўйинларига тайёр ҳолатда бўламиз. Гуруҳимиздан келиб чиқиб режалар тузиб олдик ва ҳозирдан тайёргарлик кўришга киришдик", – деди Раҳматуллаев.

U-17 Осиё чемпионати саралашига қуръа ташланди. Ўзбекистон Жанубий Корея билан бир гуруҳдан жой олди

Ҳавола :

Манба : ЎФА матбуот хизмати

Янгиликларни Телеграмда ўқинг!

Рейтинг: +8