Ўзбекистон терма жамоаси 5 сентябрь куни Иорданияга учади

Narzulla Saydullayev

3 сен 2013, 08:24

ЖЧ-2014 саралаши доирасидаги Иорданияга қарши ўйинга тайёргарлик кўраётган Ўзбекистон терма жамоаси 5 сентябрь куни Амманга учиб кетади.

Бу ҳақда ЎФФ матбуот хизмати бошлиғи Санжар Ризаев ўз твиттерида хабар берди.

"Ўзбекистон терма жамоасининг йиғини давом этмоқда. Иорданияга чартер рейс билан 5 сентябрь куни эрталаб училади. Ўйиндан кейиноқ Тошкентга қайтилади", - деб ёзади Санжар Ризаев.

Эслатиб ўтамиз, Иордания - Ўзбекистон учрашуви 6 сентябрь куни Тошкент вақти билан соат 21:00да бошланади.

Жавоб ўйини эса 10 сентябрь куни Тошкентдаги "Пахтакор" стадионида бўлиб ўтади.

Сўнгги янгиликлар

Барча ›