Ўзбекистон Кубоги ярим финали превьюси: "Пахтакор" - "Бунёдкор"
11 авг 2015 00:31
Янгиликлар

Ўзбекистон Кубоги ярим финали превьюси: "Пахтакор" - "Бунёдкор"

12 август куни Ўзбекистон Кубоги ярим финалининг биринчи ўйинлари бўлиб ўтади.

"Пахтакор" унда "Бунёдкор"ни қабул қилади. Жамоалар ўртасидаги пойтахт дербилари ҳамиша кескин ва қизиқарли ўтиб келади. Охирги пайтларда ҳар икки жамоа яхши ҳолатга кириб бормоқда. Кубок баҳсларида "Пахтакор" ва "Бунёдкор" қарама-қаршилиги 5 марта кузатилган. Шундан 3таси финалда ва 2таси ярим финалда. 2007 йил финалда "Пахтакор" пенальтилар сериясида зафар қучган - 7:6. 2008 йил "Бунёдкор" 3:1 ҳисобида ғалабага эришган бўлса, 2009 йил "Пахтакор" кичик ҳисобда муваффақиятга эришган. 2012 йил ярим финалларда 1:1 ва 3:1 ҳисоблари қайд этилиб, рақиб финал йўлланмасига эга чиққан.

Беллашувни Виктор Серазетдинов бошчилигидаги ҳакамлар гуруҳи бошқаради. Ушбу рефери бу мавсумда 2 ўйинимизни бошқарди. Уларда "Машъал" ва "Навбаҳор" доғда қолдирилди.

"Пахтакор" - "Бунёдкор" учрашуви 12 август, чоршанба куни соат 19:00да "Пахтакор" стадионида бошланади. Чипталарни стадион кассаларидан 5 ва 15 минг сўмдан харид қилишингиз мумкин.

"ПАХТАКОР" - "БУНЁДКОР"

Ҳакамлар: Виктор Серазетдинов (Тошкент), Маъмур Саидқосимов (Тошкент), Андрей Цапенко (Тошкент вилояти), Мурод Муҳаммедов (Тошкент вилояти).

Назоратчи: Алишер Абдуллаев (Тошкент).

Ҳавола :

Манба : pakhtakor.uz

Янгиликларни Телеграмда ўқинг!

Рейтинг: +5