Ўзбекистон кубоги. Финаллар Тошкентдан чекинмоқда ёхуд Бухоро учун дебют
22 мар 2022 17:05
Янгиликлар

Ўзбекистон кубоги. Финаллар Тошкентдан чекинмоқда ёхуд Бухоро учун дебют

Яқинда Ўзбекистон кубогининг саралаш ва гуруҳ босқичи ва финал бўлиб ўтадиган стадионга қуръа ташланди.

Унга кўра жорий йилги мамлакат кубоги финали Бухоро шаҳри мезбонлик қилади. Қуйида бир қатор фактлар билан бу борада тўлиқ маълумот олишингиз мумкин.

Ўзбекистон Кубоги. Гуруҳ босқичи ўйинлари ўтадиган саналар маълум қилинди

1. Бухоро ўз тарихида илк бор Ўзбекистон кубоги финалини қабул қилади.
2. Бу борада у еттинчи шаҳар бўлди. Ҳозиргача Самарқанд, Наманган, Олмалиқ, Фарғона, Жиззах, Тошкентда турнирнинг сўнгги ҳал қилувчи ўйинлари бўлиб ўтган.
3. Кетма-кет учинчи йил финал вилоят ареналарига берилмоқда. Бундай ҳолат илк бор 2014, 2015, 2016 йилда кузатилган. Ўшанда Олмалиқ, Жиззах, Самарқанд стадионлари навбати билан финал ўйинини ўзига олган.
4. Тошкент Ўзбекистон кубоги финалига энг кўп мезбонлик қилган, 22 маротаба. Вилоятлар кесимида Самарқанд рекордчи 3 бор.
5. Жамоалар ушбу мавсумда 30 Ўзбекистон кубогида қатнашишади.
6. "Пахтакор" бош совринга эга чиқиш бўйича рекордчи ҳисобланади. Клуб 13 бор кубокни боши узра баланд кўтарган. Кейинги ўринларда, "Бунёдкор" 4, "Навбаҳор" 3, "Локомотив" 3, "Нефтчи" 2, "Насаф" 2, АГМК 1, "Дўстлик" 1.