UZ

Сўнгги янгиликлар

20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  0 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  1 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  11 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  11 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  3 14:57"Ал Иттиҳод" Педро учун 35 миллион евро таклиф қилди  6 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  1 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  15

Отабек Зокиров: “Энг муҳими бу йил кўпроқ ўйин амалиётига эга бўлдим” Янгиликлар

Отабек Зокиров: “Энг муҳими бу йил кўпроқ ўйин амалиётига эга бўлдим”

Жорий мавсум “Динамо” таркибида энг кўп ўйин ўтказган Отабек Зокиров бўлди.

Иқтидорли футболчи 30та учрашувда иштирок этиб, бу борада бошқа жамоадошларини ортда қолдиришга эришди. Фарғоналик футболчи “Нефтчи” клуби тарбияланувчиси саналади. Айни пайтда Зокировга олий лиганинг айрим клубларидан жиддий қизиқиш бўлмоқда. Отабек билан суҳбатлашиб, бир қатор саволларга жавоб олдик.

- Отабек, бу йилги чемпионатда 30та ўйин ўтказдингиз. Бу жиҳат менимча ҳар қандай футболчини хурсанд қилмасдан қолмайди. Шу жумаладан сизнинг ҳам. Лекин жамоангиз кучлилар сафини тарк этди. Мавсум ҳақида умумий фикрларингизни билдириб ўтсангиз?
- Дарҳақиқат мавсум-2015 мен учун олдинги йилларга нисбатан омадли кечди. Бундай дейишимнинг боиси чемпионатнинг барча учрашувларида иштирок этдим. Табиийки етарлича ўйин амалиётига эга бўлдим. Асосий мақсадим ҳам жорий мавсум кўпроқ ўйнаб, тажриба орттириш эди. Иккинчи томондан эса “Динамо” олий лигадан тушиб кетди. Албатта бу кўпчилик жамоадошларим қатори мени ҳам ранжитди. Тўғриси, бунга муносиб эмасдик. Чунки таркибимизда маҳоратли футболчилар талайгина эди. Аммо ўзимизнинг йўл қўйган хатоларимиз эвазига кўп учрашувларда қимматли очколарни бой бердик. Натижада бу бизга қимматга тушди.

- Биринчи даврада клубда молиявий муаммолар юзага келиши натижасида жиддий ўзгаришлар рўй берди. Бу ҳам қайсидир манода салбий таъсирини ўтказган бўлса керак?
- Тўғри, мавсумнинг биринчи қисмида клубда моддий жиҳатдан танқислик бўлди. Давралар оралиғига келиб эса бош мураббий ва айрим етакчи ўйинчилар кетишга қарор қилди. Шунга қарамай иккинчи даврада ҳам етарлича кучайиш қилгандик. Аммо таркиб янгилангач, футболчиларнинг бир-бирини тўлиқ тушуниб кетишлари учун вақт талаб этиларди.

- Жорий мавсум икки таниқли мутахассислар қўли остида ўйнашга муваффақ бўлдингиз. Аввалига Тачмурод Агамуродов ва кейинчалик Баҳром Ҳакимов...  
- Ҳа, шундай. Мени Самарқанд жамоасига Тачмурод Шамакович таклиф этганди. Тажрибали мураббий эканлигини олдин эшитганману, лекин бунгача сира бирга ишлаб кўрмагандим. Бу йил  ушбу мутахассиснинг қўли остида ўйнадим. Ҳақиқатдан ҳам тажрибаси юқори. Ёшларга ишонч билдиришдан ва уларни кашф этиб боришдан чўчимайди. Машғулотларда ҳам тактик жиҳатлар устида кўпроқ ишлардик. Баҳром Ҳакимовни ҳам яхши мураббий дейиш мумкин. У киши ҳам имкон қадар жамоани олий лигада қолиб қолиш учун борини бериб ишлади. Аммо омадсизликлар панд берди.   

- Кўпроқ ўйин амалиётига эга бўлганингизни назарда тутиб айтадиган бўлсак, бу йил самарқандликлар таклифини қабул қилиб хато қилмадим деб ўйлайсизми?
- Ҳа. Мен учун асосийси кўпроқ ўйнаш эди. “Динамо”да тўлиқ ўйнадим. Бундан хурсандман албатта.

- “Динамо” олий лига билан хайрлашгач, кўплаб футболчилар ўзларига бошқа жамоа топишга уринмоқда. Сиз ҳам энди муҳитни ўзгартирсангиз керак?
- Олдимда  бир қанча таклифлар турибди. Ҳозир яхшилаб, шу ҳақда ўйлаб, кўриб чиқяпман. Янги жамоамда ҳам кўпроқ ўйнашни истайман. Ва бу орқали терма жамоа мураббийлари назарига тушишга харакат қиламан. Келаси мавсумни қайси жамоада бошлашим яқин кунларда аниқ бўлади.


Исломбек Рустамбеков суҳбатлашди.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика