Отабек Шукуров: "Ютқазмайдиган рақибнинг ўзи йўқ"
18 ноя 2022 21:58
Янгиликлар

Отабек Шукуров: "Ютқазмайдиган рақибнинг ўзи йўқ"

Ўзбекистон миллий терма жамоаси ярим ҳимоячиси Отабек Шукуров Россия билан ўйинга тайёргарлик ва клубидаги фаолияти ҳақида фикр билдирди.

"Туркияга ёзда бордим. Чемпионатга мослашиш учун барибир маълум вақт керак бўлди. Ишлашда, меҳнат қилишда давом этяпмиз. Ўз ўрнимни топишга ҳаракат қилмоқдаман. Терма жамоага келсак, Осиё кубогига муносиб тайёргарлик кўриш учун яхши терма жамоалар билан ўртоқлик ўйинлари ўтказишимиз керак. Иккинчи ўйинга яхши кайфиятда ҳозирлик кўрмоқдамиз",- дейди Отабек Шукуров.

- Россия Тожикистон билан дуранг ўйнади. Улар биз билан қандай ўйин кўрсатиши мумкин?

- Машғулотга келаётганимда Championat.asia сайтида Валерий Карпиннинг биз билан ўйин борасидаги фикрларини ўқидим. Қандай бўлишидан қатъий назар, биз ўз ўйинимиз устида ишлашимиз керак. Мухлислар кўз ўнгида ғалаба учун тўп тепамиз. Ўзбекистонда ҳозир мавсум якунланган. Биз ютуқ орқали йилни муносиб тугатмоқчимиз.

- Қозоғистон ўша куни чиндан хам биздан кучсиз эдими?

- Аниқ айта олмайман. Қандайдир фактлар бўлиши мумкин. Чунки майдонда икки жамоада ҳам 11та футболчи ўйнайди. Яхши тайёргарлик кўрган, тактик жиҳатдан тўғри йўналиш танлаган жамоа ғалаба қозонади. Футболда ютқазмайдиган жамоа йўқ.

Ҳавола :

Манба : championat.asia

Янгиликларни Телеграмда ўқинг!

Рейтинг: +11