Осиёлик футболчилар Европада ўзларини кўрсата оляптими?

Гарчи мундиалда ОФКдан тўртта жамоа (Япония, Эрон, Ж.Корея, Австралия) иштирок этган бўлса-да, уларнинг ҳеч бири гуруҳдан чиқа олмади. Энди бўлса бу жамоалар ўз омадларини келаси йилнинг январь ойида бўлиб ўтадиган Осиё Кубогида синаб кўришади. Айтиш мумкинки, ушбу мусобақада Осиёнинг энг кучли футболчилари тўп тепишади.

Аксарият футболчилар ўзларини Европа чемпионлар лигасида синаб кўришни хоҳлайди. Аммо бу жуда қийин иш. Бунинг учун сиз Чемпионлар лигасида иштирок этувчи жамоа сафида бўлишингиз керак. ЕЧЛда оддий бўлмаган клублар иштирок этишини ҳисобга олсак, бундай жамоалар сафидан ўрин олиш осон эмас: жуда катта меҳнат талаб қилади.



Шинжи Кагава ("Боруссия Д")


Бу йил ҳисобидан беш нафар осиёлик футболчи Чемпионлар лигасининг гуруҳ ўйинлари учун рўйхатдан ўтказилди. Булар - Шинжи Кагава (“Боруссия Д”), Сон Хёнг Минг (“Байер”), Атсуто Учида (“Шальке”), Йоичиро Какитани (“Базель”) ва Жуня Танака (“Спортинг”). Албатта, 32та клуб қатнашадиган мусобақада атиги беш нафар қитъамиз вакилининг бўлиши жуда кам, лекин Чемпионлар лигасида иштирок этмаётган бошқа кучли клублар қанча. Шундай экан, Европанинг қолган клубларида истаганча осиёликларни топишингиз мумкин.

Ҳисоб-китобларга қараганда айни пайтда 93 нафар осиёлик футболчи УЕФА вакили бўлган клубларда фаолият олиб бораётган экан. Ва энг кўп легионер етказиб бераётган мамлакат ҳозирча Япония бўлиб турибди. Япониядан оз эмас кўп эмас 40 нафар футболчи бугунги кунда Европада тўп тепяпти, шулардан 13 нафари Бундеслигада ўйнамоқда. Қолганлар эса асосан Польша, Латвия, Черногория каби Шарқий Европада фаолият олиб бормоқда.

Четда ўйнаётган легионерлар сони бўйича иккинчи ўринда Жанубий Корея турибди. Улардан 11 нафар футболчи ҳозир Европада. Бу борада учинчи ўрин Ўзбекистонга тегишли. Яъни, биздан тўққиз нафар футболчи фаолиятини Европада давом эттирмоқда. Мазкур маълумотлар thenational.ae сайтидан олинган бўлиб, мақола муаллифи бу рўйхатган Австралияни қўшмаган. Негаки муаллифнинг фикрича, биринчидан Австралия бошқа қитъа, иккинчидан эса австралиялик футболчилар Европага борганда ўша давлатнинг пасспортини олиб, легионер бўлмаган футболчи каби ўйнаш мақомида бўлар экан.



Сон Хёнг Мин ("Байер")


Ана энди “Осиёлик футболчилар Европада ўзларини кўрсата оляптими?” деган саволга келадиган бўлсак, ҳаммаси ҳам эмас деган жавобни оламиз. Аввало шуни айтиш лозим, Епропанинг энг номдор клубларида осиёлик ўйинчилар йўқ ҳисоби. Мухлислар диққат-эътибори биринчи навбатда “Реал”, “Барселона”, “Ювентус”, “Челси”, “Бавария”, “Манчестер Сити” каби клубларга қаратилишини инобатга олсак, бу жамоаларда қитъамиз вакили йўқ. Бошқа клубларда ўйнаётган футболчилар орасида эса ҳозирча энг машҳури Шинжи Кагава билан Сон Хёнг Мин ҳисобланади. Шунга қарамай, мутахассислар Осиё футболининг келажагига ишонч билан қарашмоқда ва бир кун келиб албатта топ клубларда ҳам осиёликлар бўлишига умид билдиришяпти. Қуйида Европа клубларида тўп тепаётган осиёлик футболчилар рўйхатини келтириб ўтамиз.

ЯПОНИЯ (40): Майа Йошида (“Саутгемптон” Англия), Рийо Мияичи (“Арсенал” Англия), Юйа Осако (“Кёльн” Германия), Казуки Нагасава (“Кёльн” Германия), Шинжи Кагава (“Боруссия Д” Германия), Мицуру Маруока (“Боруссия Д” Германия), Шинжи Оказаки (“Майнц” Германия), Макото Хасебе (“Айнтрахт” Германия), Хажиме Хосогаи (“Герта” Германия), Генки Харагучи (“Герта” Германия), Хироки Сакай (“Ганновер” Германия), Готоку Сакай (“Штутгарт” Германия), Атсуто Учида (“Шальке” Германия), Хироши Кийотаке (“Ганновер” Германия), Такаши Инуи (“Айнтрахт” Германия), Кейсуке Хонда (“Милан” Италия), Юто Нагатомо (“Интер” Италия), Майк Хавенар (“Кордоба” Испания), Жуня Танака (“Спортинг” Португалия), Йоичиро Какитани (“Базель” Швейцария), Юйа Кубо (“Янг Бойз” Швейцария), Эйжи Кавашима (“Стандарт” Бельгия), Южи Оно (“Стандарт” Бельгия), Тайсуке Акийоши (“Штурм” Австрия), Такафуми Акахоши (“Уфа” Россия), Такуя Мураяма (“Погон” Польша), Шохей Окуно (“Погон” Польша), Такаюки Сето (“Астра” Руминия), Кейсуке Хошино (“Лиепая” Латвия), Кийоши Накатани (“Даугавпилс” Латвия), Хидетоши Вакуи (“Калжу” Эстония), Кохей Като (“Рудар” Черногория), Масато Фукуи (“Сутжеска Никсич” Черногория), Хирофуми Уеда (“Ловцен” Черногория), Юсаку Тойошима (“Беране” Черногория), Йосуке Сайто (“Слуцк” Белорусь), Сома Отани (“Славия” Босния).

Ж.КОРЕЯ (11): Ки Санг Ёнг (“Суонси” Англия), Юн Сук Ёнг (КПР Англия), Сон Хёнг Мин (“Байер” Германия), Жи Донг Вон (“Боруссия Д” Германия), Ку Жа Чол (“Майнц” Германия), Парк Жу Хо (“Майнц” Германия), Ким Жин Су (“Хоффенхайм” Германия), Хонг Жонг Хо (“Аугсбург” Германия), Ю Бюнг Су (“Ростов” Россия), Сук Хюн Жун (“Насьонал” Португалия), Чунг Вун (“НК Истра” Хорватия).



Санжар Турсунов ("Ворскла")


ЎЗБЕКИСТОН (9): Виталий Денисов (“Локомотив М” Россия), Вагиз Галиулин (“Уфа” Россия), Одил Аҳмедов (“Краснодар” Россия), Темурхўжа Абдухолиқов (“Хайдук” Хорватия), Максим Шацких (“Говерла” Украина), Санжар Турсунов ("Ворскла" Украина), Шавкат Саломов (“Шахтёр” Қозоғистон), Камолиддин Мурзоев (“Шахтёр” Қозоғистон), Темур Кападзе (“Актобе” Қозоғистон).

ХИТОЙ (3): Вей Шихао (“Боавишта” Португалия), Ванг Шангюн (“Брюгге” Бельгия), Ванг Чу (“Жюнессе” Люксембург).

КХДР (1): Пак Кванг Рёнг (“Вадуц” Швейцария)

ЭРОН (3): Сардар Азмун (“Рубин” Россия), Алиризо Хагиги (“Пенафиел” Португалия), Даниэль Давари (“Грассхоппер” Швейцария).

ИРОҚ (2): Али Аднан (“Ризеспор” Туркия), Аҳмад Ясим (“Оребро” Швейцария).

СУРИЯ (2): Санҳариб Малки (“Касимпаша” Туркия), Аҳмад Каласи (“Сараево” Босния).

ЛИВАН (4): Аббос Ҳассан (“Эльфсборг” Швеция), Файз Шамсин (“Пандури” Руминия), Фирас Абулез (“Тарксиен Рейнбоус” Мальта), Муҳаммад Кадуҳ (“Судува” Литва).

ФАЛАСТИН (2): Имад Затара (“Атвидабергс” Швеция), Алексис Нурамбуэна (“Бечатов” Польша).

ИОРДАНИЯ (1): Таер Баваб (“Университате” Руминия).

БАА (1): Ҳамид Ал Камоли (“Валлетта” Мальта).
 
ҲИНДИСТОН (1): Гурприт Сингх Сандху (“Стабаэк” Норвегия).

ТАИЛАНД (1): Тирасил Дангда (“Алмериа” Эстония).

ИНДОНЕЗИЯ (1): Артур Ираван (“Ваасланд Беверен” Бельгия).

ФИЛИППИН (2): Жерри Лусена (“Эсбйерг” Дания), Рэй Антони (“Кефлавик” Исландия).

ТУРКМАНИСТОН (3): Руслан Мингазов (“Баумит” Чехия), Арслан Сатубалдин (“Тобол” Қозоғистон), Арсланмурат Аманов (“Иртиш” Қозоғистон).

ҚИРҒИЗИСТОН (5): Тамирлан Козубаев (“Сиаулиай” Литва), Кирилл Прядкин (“Қайсар” Қозоғистон), Антон Землианухин (“Қайсар” Қозоғистон), Раул Джаилов (“Тобол” Қозоғистон), Сергей Иванов (“Иртиш” Қозоғистон).

ТОЖИКИСТОН (1): Даврон Эргашев (“Жетису” Қозоғистон).


Хориж матбуоти асосида Х.Холиқов тайёрлади.