Осиё Кубоги. Қатар мураббийи: "Учта ўйинни ҳам бой бериш аламли"

Учрашувдан сўнг ўтказилган матбуот анжуманида Қатар термаси устози Жамол Белмади қуйидаги фикрларни айтиб ўтди:

"Бир йил ичида учта мусобақада иштирок этдик ва шундан иккитасида ғолиб бўлдик. Ғарбий Осиё кубоги ва Кўрфаз кубогида биринчи ўринни қўлга киритгандик, аммо Осиё чемпионатида ўзимизни кўрсата олмадик. Гуруҳдаги учала баҳсда ҳам мағлубиятга учраш жуда аламли. Албатта, биз хатоларни таҳлил қилиб чиқамиз".

"Ҳар учала ўйинда ҳам етарлича вазиятларга эга бўлдик, лекин тўп киритишда оқсадик. Ўйинчилик пайтимда гол урилмаган ўйинлардан сиқилардим, ҳозир ҳам шундай. Лекин Қатар терма жамоаси ўз кучига ишонади кейинги мусобақаларда ўзини кўрсатишга ҳаракат қилади".