Осиё футболи. Эрон ҳозирча VARдан воз кечди

Ҳатто бу ҳақда федерация раҳбари Меҳди Таж журналистларга расмий маълумот ҳам берганди. Аммо мутасадди раҳбарлар ҳозирча бундай фикрдан воз кечишди. Бунга сабаб ҳар бир учрашувда ҳакамлар томонидан йўл қўйилаётган хҳатоларнинг кўплигида.

Федерация президенти декабрда VAR тўртта стадион - Теҳрондаги "Озоди", Исфаҳондаги "Нақши Жаҳон", Аҳваздаги "Фулад Арена" ҳамда Маҳшаддаги "Имом Ризо"да ишлашини айтиб ўтганди.

Лекин шу пайтгача VAR ҳеч бир стадионда синаб кўрилмади. Аввалги турда ўтказилган "Фулад" - "Персеполис" 2:1 ва "Нассажи Мазандаран" - "Тракторсози" 1:1 баҳсларида ҳакамлар "Персеполис" билан "Тракторсози" зарарига ишлаган бир нечта қарорлар қабул қилишди. Бу эса икки клубнинг норозилигига олиб келди.

Федерация миллий чемпионатда VAR қўлланилса ҳар бир ўйинда кўп марта тўхталиш бўлишини, бунинг оқибатида ўйин секинлашиб қолишини айтмоқда. Шу боис Эрон чемпионатида ҳозирча VAR ишлатилмайди.