Осиё чемпионати (U-22) олдидан. Даврон Ҳошимов: "Ҳимоямизда муаммо бўлмаслиги керак"

"Кўнгил хотиржам йўлга отланаяпмиз. Юртимиз шаънини муносиб ҳимоя қилишимиз шарт. Тайёргарлик қисқа бўлган бўлсада муаммо бўлмаслиги керак. Руҳий ҳолатимиз юқори ва бу бизга катта ёрдам беради деб ўйлайман" - дея айтиб ўтади Даврон Ҳошимов

- Гуруҳ учрашувларида ва чемпионатда терма жамоамиз имкониятини қандай баҳолар эдингиз?
- Гуруҳимиз энг қийин гуруҳдир. Хитой билан биринчи ўйин мураккаб бўлади.Ушбу учрашувда афсуски мен майдонга туша олмайман. Бугун чемпионат давомида ҳимоямизда умуман муаммо бўлмаслиги керак. Бу чизиқда тажрибали футболчилар етарлича. Имкониятимиз ҳамма билан бир хил. Гуруҳдан чиқсак буёғи осонроқ бўлишига ишонаман.

- Сиз нималарни кутмоқдасиз?
- Албатта камида финалда ўйнашни. Осиёнинг бу ёшдаги жамоалари етарлича ўзгарувча бўлади. Масалан Ироқ ва Эрон терма жамоалари борасида ижобий фикр айтиш керак. Мухлислар ишончи бизга қўшимча куч бағишлайди. Биз ватанимизга хурсанд кайфиятда қайтамиз деб умид қиламан

Ҳумоюн Давуров суҳбатлашди