Ўруновнинг собиқ жамоаси МФЛдан четлатилишга яқин

Унга кўра, йирик молиявий муаммолар туфайли “Уфа” биринчи лигадан четлатилишга яқин. 7-турга келиб, Бошқирдистон Республикаси клубининг бош хомийси молиялаштириш бўйича кафолатини бермади.

Уфаликлар бош директори Шамиль Газизов:

- Биз доимо молиявий муаммоларга дуч келганмиз. Улар анча олдин бошланган. Биринчи лигадан чиқиб кетамизми? Ўйлашимча, буни енгиб ўтамиз.

Клубга яқин манбаларга кўра, жамоада совуқ муҳит ҳукмронлик қилмоқда. Ярославлда ўтадиган учрашувга “Урал”нинг волейбол жамоасидан қарз олинган.

Эслатиб ўтамиз, “шаҳарликлар” 2010 йил 23 декабрда ташкил топган. “Уфа” Миллий футбол лигаси (МФЛ) 7 туридан кейин 8 очко билан 18 иштирокчи ичида 12-ўринда бормоқда.