«Олтин тўп»ни ким ютади? сўровномасида Марез биринчи, Месси иккинчи ўринда

Narzulla Saydullayev

26 окт 2016, 08:22

France Football ўқувчилари орасида «Олтин тўп»ни ким ютиши борасида сўровнома ўтказмоқда. Ҳозирга қадар унда 1,5 миллион инсон иштирок этди.

Сўровномада 35 фоиз овоз олган «Лестер» вакили Рияд Марез пешқадамлик қилмоқда.

Иккинчи ўринда «Барселона» ҳужумчиси Лионель Месси (29%), учинчи ўринда «Реал» тўпурари Криштиану Роналду (22%) бормоқда. Қолган номзодлар эса 4 фоиздан кўп овоз олишмаган.

Худди шундай сўровномани Marca нашри ҳам ўтказганди. 100 минг одам қатнашган сўровномада 58 фоиз олган Месси ғолиб чиққанди. Аргентиналик футболчи Криштиану Роналду (26,6%) ва Антуан Гризманни (3,24%) ортда қолдирганди.