"Олмалиқ": Нохуш анъана якун топди
30 апр 2017 16:45
Янгиликлар
"Олмалиқ": Нохуш анъана якун топди
Ўтган йиллар давомида “Олмалиқ” кучлилар сафида муносиблигини ўз ўйинларида намоён этмоқда. 2016 йилги мавсумдаги қониқарсиз натижаларни ҳисобга олмаганда, жамоа ҳар мавсум юқори натижалар учун курашадиган жамоаларга “бошоғриқ” вазифасини ўтарди. Жамоа ортда қолган 9 мавсумда бир қатор ижобий натижаларга эришган. “Олмалиқ” айниқса ўз майдонида ҳар қандай рақибни қийин аҳволга солиб қўйиши билан мухлисларда яхши хотиралар қолдирган. Статистикага мурожаат этадиган бўлсак, 2008 йилдан бошлаб кончилар элитада рақиб бўлган қилган барча жамоани ўз майдонида мағлуб эта олган. Бироқ, жамоанинг сафар учрашувларида бу статистика борасида баъзи нохуш анъаналари мавжуд. Кеча Фарғона шаҳрида бўлиб ўтган баҳсда мана шу нохуш анъананинг бири барҳам топди. “Олмалиқ” элитада ўнинчи мавсумга келиб Фарғонадан очко олишга муваффақ бўлди. Бунгача бўлиб ўтган 9 учрашувнинг барчасида мезбонлар ғолиб чиқишган. Эътиборлиси, кеча жамоамиз ғалаба қозониши ҳам мумкин эди. Афсуски, сўнгги ўн дақиқаликда мезбонлар пенальтидан гол киритишди ва мағлубиятдан қутулиб қолишди.
Жамоамизнинг сафар ўйинларида қайд этган кўрсаткичлари ҳозирча ижобий эмас. Дарвоқе, шу турга қадар меҳмонда жамоамизга очко олишга йўл бермаган ягона жамоа “Нефтчи” бўлиб турганди. “Олмалиқ” бу серияни тўхтатишга эришди.
Меҳмонда ўтган ўйинларда очко олиш борасида “Олмалиқ”нинг умумий кўрсаткичи қуйидагича:
Жамоа | Ў | Ғ | Д | М | Т-Н | О |
Бухоро | 9 | 4 | 0 | 5 | 11-9 | 12 |
Навбаҳор | 9 | 3 | 3 | 3 | 12-14 | 12 |
Андижон | 8 | 3 | 1 | 4 | 15-13 | 10 |
Динамо | 8 | 2 | 2 | 4 | 6-10 | 8 |
Пахтакор | 9 | 1 | 2 | 6 | 5-14 | 5 |
Шўртан | 8 | 0 | 4 | 4 | 11-17 | 4 |
Қизилқум | 9 | 1 | 1 | 7 | 11-20 | 4 |
Қўқон-1912 | 2 | 1 | 0 | 1 | 2-2 | 3 |
Обод | 2 | 1 | 0 | 1 | 1-2 | 3 |
Сўғдиёна | 8 | 0 | 3 | 5 | 9-16 | 3 |
Хоразм | 2 | 0 | 2 | 0 | 2-2 | 2 |
Насаф | 9 | 0 | 2 | 7 | 9-21 | 2 |
УзДонгЖу | 1 | 0 | 1 | 0 | 0-0 | 1 |
Гулистон | 1 | 0 | 1 | 0 | 0-0 | 1 |
Машъал | 8 | 0 | 1 | 7 | 5-14 | 1 |
Металлург | 9 | 0 | 1 | 8 | 16-26 | 1 |
Бунёдкор | 9 | 0 | 1 | 8 | 6-21 | 1 |
Локомотив | 9 | 0 | 1 | 8 | 5-25 | 1 |
Нефтчи | 10 | 0 | 1 | 9 | 9-30 | 1 |
130 | 16 | 27 | 87 | 135-256 | 75 |
championat.asia
Ўзбекистон терма жамоаси Хитой билан жанговар дуранг қайд этди
Суперлиганинг янги мавсумига қуръа ташлаш маросими бўлиб ўтди (тўлиқ тақвим)
Хитой компанияси "Истиқлол" стадионини реконструкция қилиш ва кенгайтириш бўйича лойиҳа таклиф этди
Туркманистон терма жамоаси футболчиси "Арал"га ўтди
Фикрлар