UZ

Сўнгги янгиликлар

13:08"Челси" "Боруссия"нинг юлдуз вингерини нишонга олди  0 12:43Бобур Йўлдошев: "Бундай темпдаги ўйинлар битта голгача бўлади"  0 12:38"Реал"га бразилиялик юлдузни 70 млн еврога сотиш таклиф қилинди  5 12:04Лоренцо Лукка - "Манчестер Юнайтед"нинг янги мақсади  2 11:44Луис Качорри нега 74-рақамни танлагани, Суперлигада чемпионликка даъвогарлар ҳамда Италия ва ўзбек футболи ҳақида гапирди  2 11:27Жавоҳир Рўзиев: "Мен учун индивидуал маҳоратдан жамоа манфаати муҳимроқ"  1 11:07«Реал»нинг уч нафар футболчиси жаримага тортилди  16 11:00Ҳамидулло Абдунабиев: "Мураббийларнинг кўрсатмаларига амал қилсак, "Бухоро"ни яна мағлуб этамиз"  0 10:38Give me Sport. Айни вақтдаги энг яхши ярим ҳимоячилар рейтинги тузиб чиқди  8 10:12«Рома» футболчиси ёзда фаолиятини якунлашини эълон қилди  1 09:42Уильямс бир шарт билан «Арсенал»га ўтишга рози  1 09:10«Реал» бош мураббийи Анчелотти келажаги ҳақидаги саволга жавоб берди  10 08:38Моуринью терма жамоани бошқариши мумкин  2 08:03Роналду «Ал Ҳилол»ни мағлуб этганидан сўнг нималар деди?  21 07:35Суперлига. Бугун Фарғонада супер учрашув бор  26

Олий лига. 9-тур рамзий терма жамоаси Янгиликлар

Олий лига. 9-тур рамзий терма жамоаси

Олий лиганинг 9-туридан ўрин олган баҳслар бўлиб ўтди. Одатимизга кўра турнинг рамзий терма жамоасини тузиб чиқдик.

"Сўғдиёна" бу турни ўз майдонида "Машъал"га қарши ўтказди. Даврон Файзиев шогирдлари рақибни йирик ҳисобда таслим қилишга эришишди. Бунда жамоа дарвозабони Шохрух Эшбўтаевнинг хиссаси катта бўлди. Посбон муборакликларнинг бир қатор зарбларини қайтаришга эришди ва ўз дарвозаси даҳлсизлигини сақлаб қолди. Эшбўтаев ҳақли равишда рамзий терма жамоамиздан ўрин олди. 


"Олмалиқ" ушбу турда "Динамо" устидан 2:0 ҳисобида ғалабага эришди. Бу учрашувда олмалиқликларнинг легионер ҳимоячиси Владислав Касминин анча фаол ўйнади. Ҳимояда ишончли ўйнашдан ташқари ҳужумга ўтиб шерикларига ёрдам бериб турди. Касминин Мурзоев гол урган вазиятда тўп етказиб берганини айтиб ўтиш лозим.

"Обод" ўз майдонида Навоийнинг "Қизилқум" клуби билан ўйнади. Учрашувда 1:1 ҳисоби қайд этилди. Тошкент клуби сафида ҳимоячи Анвар Ғофуров яхши ўйнади. Рақибнинг ҳужумларини қайтаришда Ғофуров фаол бўлди.


"Машъал" йирик ҳисобда мағлуб этилганида Эшбўтаев билан бирга ҳимоячи Элёр Орипов ҳам фаол ҳаракат қилди. Ҳимоячи ўйинда яхши ҳаракат қилди ва ҳужумларни тўхтатишда ҳаводаги курашларда рақибларга деярли имконият бермади.


"Насаф" Фарғонанинг "Нефтчи" клубини мағлуб этилишида тажрибали Акмал Шораҳмедовнинг хизматлари катта бўлди. Қанот ҳимоячиси ўз қанотида яхши ўйнаб ҳужумларга ўтиб турди.


"Навбаҳор" олий лига амалдаги чемпиони "Локомотив" билан 2:2 ҳисобида дуранг ўйнашга эришди. Шу куни наманганликлар сафида ярим ҳимоячи Азизбек Турғунбоев жуда тезкор ҳаракатлари билан бошқалардан ажралиб турди. Бундан ташқари айнан Турғунбоевнинг голи "Навбаҳор"ни мағлубиятдан қутқариб қолди. 


Қаршининг "Насаф" клуби ярим ҳимоячиси Баҳром Абдураҳимов турнинг энг яхши футболчиларидан бири бўлди. У "Нефтчи"га қарши баҳсда ўз ҳисобига 2та гол ёзиб қўйишга эришди ва жамоасига ғалаба келтирди.


"Металлург" бу тур Тошкентда "Бунёдкор" билан 1:1 ҳисобида дуранг ўйнади. Баҳсда бекободликлар сафида бир қатор ўйинчилар фаол ҳаракат қилишди. Улардан Алишер Зиёвуддинов ажралиб турди ва бунинг устига айнан у "қалдирғочлар" дарвозасини ишғол қилишга муваффақ бўлди.


Чемпионатимиз тўпурари Намангандаги ўйинда ҳам фаол бўлди. У дастлаб Сардор Мирзаевга голли пас оширди, сўнгра ўзи рақиб дарвозасига гол уришга муваффақ бўлди. Бикмаев тўртинчи марта рамзий терма жамоадан ўрин олди. 


"Бухоро" бу турда "Шўртан"ни таслим қилишга эришди. Мезбонлар сафида Иван Нагаев ҳужумда эффектив ўйнай олди. У пенальтидан гол уришга эришди ва Гадоевга голли пас оширди. 


"Қўқон-1912" ўз мухлислари қаршисида "Пахтакор" билан дуранг ўйнади. Ушбу баҳсда тажрибали ҳужумчи Носирбек Отақўзиев рамзий термага лойиқ ўйин кўрсата олди. Отақўзиев ҳисобни очишга эришди ва яна бир қатор вазиятларга эга бўлди. Фақат ҳужумда эмас ярим ҳимоячиларга ёрдам бериб турган футболчи жамоасининг очко олишига ёрдам берди.


Championat.asia талқинига кўра 9-тур рамзий терма жамоаси: 


Дарвозабон
Шохрух Эшбўтаев ("Сўғдиёна")

Ҳимоячилар
Владимир Касминин ("Олмалиқ") (3-марта рамзий терма жамоада)
Анвар Ғофуров ("Обод")
Элёр Орипов ("Сўғдиёна")
Акмал Шораҳмедов ("Насаф")

Ярим ҳимоячилар
Азизбек Турғунбоев ("Навбаҳор")
Баҳром Абдураҳимов ("Насаф") (2)
Алишер Зиёвутдинов ("Металлург")

Ҳужумчилар
Марат Бикмаев ("Локомотив") (4)
Носир Отақўзиев ("Қўқон-1912") (2)
Иван Нагаев ("Бухоро") (2)

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика