Олий лига. Бу йил келишилган ўйинларга қарши қаттиқ кураш олиб борилади

Натижада бунинг самараси ўлароқ ЎФФда "Келишилган ўйинларга қарши курашиш" бўлими ташкил этилди ва мазкур бўлимни ҳозирда таниқли мутахассислардан бири Аҳрол Иноятов бошқармоқда.

Шу кунларда Аҳрол Иноятовичнинг вақти жуда тиғиз. У киши олий лиганинг ҳар бир клуби билан учрашиб, мураббий ва фтуболчилар билан янги мавсум олдидан суҳбат ўтказмоқда. Қолаверса, клублар раҳбарлари, мураббийлар, футболчилар ва ҳатто матбуот котибларига "Ҳаққонийлик баённомаси"ни тарқатиб, керакли жойга қўл қўйдириб олмоқда.

Ушбу баённомага имзо чекмаган футболчи олий лига ўйинларида майдонга туша олмайди. "Ишимиз росаям кўп, келишилган ўйинларга қарши кураш йўлида ҳар бир жамоа билан жиддий иш олиб боряпмиз. Насиб қилса, бу йил бундай ўйинларга чек қўйилади" - дейди Аҳрол Иноятов биз билан суҳбатда.