Олег Зотеев: "Мавсумни ғалаба билан бошлаш муҳим эди"
29 фев 2020 17:26
Янгиликлар

Олег Зотеев: "Мавсумни ғалаба билан бошлаш муҳим эди"

Суперлиганинг илк турида "Локомотив" ўз майдонида "Андижон"ни 2:1 ҳисобида мағлуб этди. Ўйиндан кейин "темирйўлчилар" ҳимоячиси Олег Зотеев клуб матбуот хизматига ўз фикрлари билан ўртоқлашди.

- "Локо" "Андижон"га қарши биринчи таймда жуда яхши ўйин кўрсатди, бироқ танаффусдан сўнг бироз бўшашди. Жамоа толиқиб қолдими ё "Андижон" фаоллашдими?
- Авваламбор барчани янги мавсум бошлангани билан табриклайман. Жамоамиз мухлисларини эса ғалаба билан табриклайман. Биз иккинчи таймда чарчаб қолдик деб ўйламайман, фақат мураббийлар кўрсатмаси бироз ортга қайтиб ҳисобни сақлашга қаратилган бўлди, чунки 2:0 ҳисобида олдинда бораётгандик. Мавсумни уч очко билан бошлаш муҳим эди, шу боис ўйин кўпроқ натижа учун кечди.

- Иккинчи бўлимда мураббийлар штаби кўрсатмаси қандай бўлди?
- Тўпни рақибга қолдириб бўлса-да, тезкор қарши ҳужумларга ўтиш.

- Жамоа янги футболчиси Кирилл Погребняк биринчи турдаёқ дублга эришди. Уни қандай табриклайсиз?
- Кўрамиз. Нимадир ўйлаб топармиз.

"Локомотив" матбуот хизмати

Ҳавола :

Манба : lokomotiv.uz

Янгиликларни Телеграмда ўқинг!

Рейтинг: