ОКМК устози, "Андижон" посбони ва бошқалар — Суперлигада 25-турнинг энг яхшилари

Championat.asia сайти талқинига кўра 25-турнинг энг яхши дарвозабони – Элдор Адҳамов ("Андижон")

"Андижон" бу тур ўз майдонида "Динамо" билан тўқнаш келди ва йирик ғалабага эришди - 3:0. Ўйин давомида мезбонлар посбони Элдор Адҳамов бир қатор вазиятларда жамоасини бир неча бор қутқарди ва жамоасининг ғалабасига катта ҳисса қўшди. Шу тариқа Адҳамов турнинг энг яхши посбони сифатида эътироф этилди.

Championat.asia сайти талқинига кўра 25-турнинг энг яхши мураббийи – Миржалол Қосимов (ОКМК)

ОКМК бу турни Тошкентда "Пахтакор"га қарши ўтказди ва ғалабага эришди - 2:0. Қосимов ОКМК устози сифатида бир мавсумда икки марта "Пахтакор"ни мағлуб этишга эришди. "Кончилар" устози Миржалол Қосимов турнинг энг яхши мураббийи деб топилди.  

Championat.asia сайти талқинига кўра 25-турнинг энг яхши футболчиси – Жамшид Искандеров ("Навбаҳор")

Ўзбекистон миллий терма жамоаси ярим ҳимоячиси Жамшид Искандеров "Қизилқум" билан баҳсда рақиб дарвозасига гол урди ва битта голли узатмани амалга оширди. Ярим ҳимоячи шу куни ажойиб ўйин намойиш этди ва кетма-кет иккинчи тур Искандеров тур футболчиси деб топилди!  

Championat.asia сайти талқинига кўра 25-турнинг энг чиройли голи муаллифи – Люпчо Дориев ("Сўғдиёна")

"Сўғдиёна" легионери Люпчо Дориев 25-турда "Локомотив"га қарши баҳсда супергол муаллифига айланди. У жарима майдони ташқарисидан кучли зарба билан гол урди. Дориев томонидан урилган гол championat.asia сайти талқинига кўра турнинг энг чиройли голи деб топилди.