ОФК: “Бунёдкор” – Марказий Осиёнинг энг яхши жамоаси
12 янв 2016 14:43
Янгиликлар

ОФК: “Бунёдкор” – Марказий Осиёнинг энг яхши жамоаси

Теглар : Бунёдкор

Осиё футбол конфедерацияси 2012-2015 йилдаги натижалар асосида Осиёнинг энг кучли клублари рейтинггини эълон қилди.

Унга кўра, Тошкентнинг “Бунёдкор” жамоаси нафақат Ўзбекистон клублари орасида, балки Марказий Осиё мамлакатлари жамоалари ичида ҳам биринчи ўринни эгаллаб турибди. Умумий рейтингда эса “қалдирғочлар” 12-поғонани қайд этишган.

Мамлакат чемпиони – Тошкентнинг “Пахтакор” клуби 34, Ўзбекистон кубоги соҳиби – “Насаф” 53 ва вице-чемпион “Локомотив” 73-ўринда боришмоқда. Фарғонанинг “Нефтчи” клуби 81-ўринда қайд этилган.

Рейтингнинг биринчи ўрнини ОЧЛ-2015 ғолиби, Хитойнинг “Гуанчжоу Эвергранд” клуби эгаллаб турибди. Саудия Арабистонининг “Ал-Хилол” ва “Ал-Аҳли”, Жанубий Кореянинг “Сеул” ва Япониянинг “Кашива Рейсол” клублари кучли бешликда боришмоқда.

Умумий рейтинг билан ушбу ҲАВОЛА орқали танишишингиз мумкин.

Ҳавола :

Манба : fcbunyodkor.com

Янгиликларни Телеграмда ўқинг!

Рейтинг: +7