Odil Cup-2016. Учинчи куннинг иккинчи ярмидан репортаж

Ўзбекистон миллий терма жамоаси сардори Одил Аҳмедов билан реклама шартномаси имзолаган “ImkonPlyus” компанияси бош ҳомийлигида ташкил этилган футбол турнирида 8та жамоа иштирок этмоқда. Кечаги куннинг иккинчи ярмида 2002 йилда туғилган футболчилар охирги тур учрашувларини ўтказишди. 

Наманган вилоят футбол федерациясига қарашли "Умид" стадионида бўлиб ўтган ўйинларда Наманганнинг "1-БЎСМ" жамоаси Косонсойнинг "Косонсой" футболчилари қарши майдонга тушиб, 4:1 ҳисобида ғалаба қозонди. 

Кейинги учрашувда эса "Навбаҳор" ўз рақиби "Нефтчи"ни 4:0 ҳисоби билан мағлуб этди. Одатга кўра, иккала учрашув якунида ҳар бир жамоадан энг яхши футболчилар аниқланди ҳамда уларга ҳомийлар томонидан эсдалик совғалари топширилди. Кейинроқ Odil Cup-2016 мусобақасининг якуний ёпилиш маросими бўлиб ўтди.

Odil Cup-2016. Учинчи кун ўйинлари (2002 й.)

"1-БЎСМ" (Наманган) - "Косонсой" (Наманган) 4:1

Голлар: Шарипов, Тўламирзаев, Начаев, Меҳмонов - Қурбонов.

"Навбаҳор" (Наманган) - "Нефтчи" (Фарғона) 4:0

Голлар: Қаюмбоев (2), Мухторов, Абдуллаев.