UZ

Сўнгги янгиликлар

18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

Одил Аҳмедов: "Менимча барчаси ортда қолди, академия ўз фаолиятини бошлайди" Янгиликлар

Одил Аҳмедов: "Менимча барчаси ортда қолди, академия ўз фаолиятини бошлайди"

Кеча Одил Аҳмедов томонидан берилган интервью жуда кўплаб шов-шувга сабаб бўлди.

Ана шу интервьюдан бир кун ўтиб воқеалар қандай давом этганини билиш мақсадида футболчи билан боғландик.

"Ҳозирча ҳаммаси изига тушди. Бир томондан гапириб олганим яхши бўлди. Бўлмасам, шаҳар ҳудди бедарвозадек бўлиб қолганди. Мен гапирмасам, у гапирмаса, шундай давом этаверармиди", - дейди Одил Аҳмедов.

- Очиқроқ айта оласизми, айнан ким ҳалақит қилаётганди?

- Интервьюда у ҳақда оғиз очмадим, суҳбатдан кейин мухлислар кўп мурожаат қилишди. Якунда акам ўша киши билан менинг номимдан мухлислар олдида кўришиб олди. Барча қилаётган ишлари айтилди, бошланишига аксар мухлислар ҳам бизни нотўғри тушунаётган эди. Кеча барчасига барҳам берилди. Қолаверса, Хайрулла Хайитбойивичнинг шаҳсан ўзи бизни чалғитувчи тўсиқларни бартараф этиб беришга вада бердилар. Менимча энди биров ҳалақит қилмайди. Ҳар ҳолда шунга умид қиламиз. Шу ўринда академияни Наманганда сақлаб қолишга ҳаракат қилган вилоят футбол федерациясининг Вице-президенти Баҳром Холмирзаевга ҳам ўз миннатдорчилигимни билдираман.

- Мўминжонов масаласичи?

- Илҳом акага эътироз фақатгина ёшлар жамоасига қаратилмаётган эътибор борасида бўлди. Юқоридаги кишини номини айтмаганимни, кўпчилик қаршилик Мўминжонов томонидан бўлди деб ўйлади. Йўқ, у киши агар Намангандаги ёшларни асосий таркибга жалб қилса ҳаммамизга яхши бўлади. Ўринбосарлар таркибини жиддий ўргансин, селекцияда қатнашсин. Ўйинларни жонли кўрсин. Тайёрлов гуруҳи ўйинларига ташриф буюрсин ва ўринбосарлар сафига керакли ўйинчиларни тўлдиришда ёрдам берсин. У киши қилиши керак бўлган иш шундан иборат. Чунки мен болалар футболи билан шуғулланишни бошлар эканман, биздан чиқадиган болалар кейинчалик ўринбосарлар сафига бориб қўшилмаса, қиладиган меҳнатимизни самараси бўлмайди.

- Водий чемпионлар лигаси бўладими?

- Бу лойиҳа ҳар қандай ҳолатда ҳам амалга оширилади. Биз фақат Наманган футболини эмас, рақобат бўлиши учун водий футболига жон беришимиз керак. Фарғона ва Андижон вилоятларини кучайиши лойиҳада муҳим роль ўйнайди. Кейин мақсад фақат водий эмас, шу йўл орқали Ўзбекистон терма жамоасини ва ниҳоят Япония ҳамда Жанубий Корея каби бир текисда ўйнайдиган ҳолатга келтиришимиз. Бунга 10 йиллардан кўп вақт кетади. Лекин ишлаймиз.

- Мухлислар билан учрашиш режангизда борми, улар кутишаяпти аслида нима истаётганлигингизни билишга?

- Албатта. Ҳозир МТЖнинг ўйинлари ҳал қилувчи босқичга кирган. Шунинг учун сентябрь ойида Тошкентга келганимдан кейин вақт тиғиз бўлади. Бу ерда Хитой чемпионати. Шунинг учун ноябрь ойида мавсум тугаганидан кейин катта залда албатта кўришамиз.


Рейтинг: +45   

Фикрлар

championat.asia
< сўнгги янгиликларни кўриш
Яндекс.Метрика