Одил Аҳмедов: "Ҳали "Барселона" ёки "Реал" даражасига чиқмадим"

Тўғрисини айтаман, мавсум олдидан "Краснодар" совринли ўринлардан бирини қўлга киритишига ишонмагандим. Айниқса ўз майдонимиздаги кетма-кет икки ўйинда мағлуб бўлганимиздан сўнг бу ишониш қийин эди. Ўшанда мен кучли учликка кира олмасдик деб ўйлагандим. Мавсумни кейинги қисмини шу даражада ўтказдикки, энди эса фақатгина учинчи ўринни олишимиз мумкинлигидан бироз ранжимоқдаман. ЦСКА билан орадаги фарқни йўққа чиқариб қўйганимиз бу руҳий томондан босимни енга олмаганимиздан бўлса керак. "Амкар" ва "Торпедо"га қарши ўйинларда "Краснодар" ўз ўйинини намойиш эта олмади. Биз гол ўтказиб юборишдан ва очко йўқотишдан қўрқиб ўйнадик. Натижа учун ўйнашни бошладик.

Бубновнинг гапларига муносабати:

"Краснодар"нинг ўйин услуби шундай: ҳар бир футболчи имкон кўпроқ пас орқали ўйнашга ҳаракат қилади. Ҳимоячилар менга тўп оширишади, мен эса дарҳол ярим ҳимоячилар ёки ҳужумчиларни тўп билан таъминлашга ошиқаман. Шунақанги ўйинлар бўладики, баъзида барчаси ўхшаб қолади. ЦСКА билан ўйинда айнн шундай бўлганди. Тўпни олдинга қарамасдан узатаверасан, тўп эса ўз футболчинга бориб тушаверади.

"Барселона" ёки "Реал"? Ростини айтсам, ҳали бу даражада ўйнашга тайёр эмасман. Ўз кучимни кучлироқ чемпионатда синаб кўриш ниятим бор. Умид қиламанки, бунга улгураман", — дейди Одил Аҳмедов «Спорт-экспресс» газетасига берган интервьюсида.