ОЧЛда "Пахтакор" билан бир гуруҳдан ўрин олган "Ал Айн" кутилмаганда бош мураббийини истеъфога чиқарди

Бирлашган Араб Амирликларининг "Ал Айн" клуби бош мураббий Алфред Схрёдерни кутилмаганда истеъфога чиқарди. Клуб берган баёнотга кўра, икки томон ўзаро келишув асосида ўртадаги шартномани бекор қилган. Клуб бундай қарорга келинишига, бош мураббий ва унинг жамоаси клуб раҳбарияти билан ҳамжиҳат бўла олмагани сабаб бўлганини маълум қилди. "Ал Айн" айни дамда ОЧЛ тўртинчи туридан сўнг 100 фоизлик натижа билан биринчи ўринда турганди. Жамоа плей-офф йўлланмасини ҳал қилиб улгурганди. 

Клуб янги бош мураббий номини яқин орада расман эълон қилишини маълум қилди.