ОЧЛ. "Ал Наср" - "Локомотив". Бугунги тадбир ҳақида

Бугун биз истиқомат қилаётган "Movenpick" меҳмонхонасида менежерлар ҳамда учрашув расмийлари иштирокида анъанавий митинг ташкил қилинди. Унга кўра, эртанги ўйинда кимнинг қайси либосда тўп тепиши белгилаб олинди.

Демак, "Локомотив" футболчилари оқ, "Ал Наср" ўйинчилари эса кўк рангли либосларда ҳаракат қилишади. Мазкур баҳсни Кахи Махарадзе сариқ карточкалар туфайли ўтказиб юборади. У Тошкентда қолган. Мезбонлар сафида эса бундай  футболчи йўқ.

Бугунги тадбирда учрашув комиссари яна бир нарсани маълум қилди. Яъни, "Ал Наср" - "Локомотив" баҳси ОФК собиқ бош директори Дато Сри Пол Самуэлнинг вафоти муносабати билан бир дақиқалик сукут сақлаш билан старт олади.

Бугун "Локомотив" ўйин бўладиган стадионда машғулот ўтказади. Машғулот маҳаллий вақт билан 18:00да бошланади. Эртанги учрашув ҳам шу вақтда старт олади.