ОЧЛ-2018. Қуръа 6 декабрь куни бўлади
27 ноя 2017 13:30
Янгиликлар

ОЧЛ-2018. Қуръа 6 декабрь куни бўлади

2018 йилги Осиё чемпионлар лигаси ва ОФК кубоги гуруҳ босқичига 6 декабрь куни Малайзия пойтахти Куала-Лумпур шаҳрида.

6 декабрь куни маҳаллий вақт билан соат 14:00да (Тошкентда 11:00 бўлади) ОФК кубоги гуруҳ босқичига қуръа ташланади.

Малайзия вақти билан соат 16:30да (Тошкентда 13:30 бўлади) Осиё чемпионлар лигаси гуруҳ босқичига қуръа ташлаш жараёни бошланади.

Эслатиб ўтамиз, Ўзбекистоннинг фақат битта клуби 2018 йилги ОЧЛни гуруҳ босқичидан бошлайди. Яна икки клуб мусобақага плей-оффдан қўшилади.

Мамлакат чемпиони "Локомотив" клуби гуруҳ босқичига йўлланма олиб бўлди. Плей-оффнинг битта йўлланмаси Қаршининг "Насаф" клубига насиб этди. Иккинчи йўлланма эса "Бунёдкор" ёки "Пахтакор" клубига насиб қилади. Барчасига 4 декабрь кунги Ўзбекистон кубоги финал учрашуви ойдинлик киритиб беради.