ОЧЛ–2017. Равшан Эрматов Одил Аҳмедов жамоаси ўйинида ишлайди
11 апр 2017 12:19
Янгиликлар

ОЧЛ–2017. Равшан Эрматов Одил Аҳмедов жамоаси ўйинида ишлайди

Ўзбекистонлик ФИФА рефериси Равшан Эрматов ОЧЛ–2017 турнири “F” гуруҳи 5-туридан ўрин олган “Шанхай СИПГ” (Хитой) – “Сеул” (Жанубий Корея) учрашувига бош ҳакам этиб тайинланди.

Унга қанотларда Адбуҳамидулло Расулов ва Жаҳонгир Саидов ассистентлик қилади. Тўртинчи ҳакам вазифасини таиландлик Монгколчаи Пешри бажаради.

Учрашув комиссари этиб таиландлик Паирит Танпаири тайинланди. Ҳакамлар назоратчиси – Субҳиддин бин Муҳаммад Салаҳ (Малайзия). Маълумот учун, “Шанхай СИПГ” – “Сеул” учрашуви 26 апрель куни Шанхай шаҳридаги Shanghai Stadium майдонида бўлиб ўтади. Ўйин маҳаллий вақт билан 19:30 (Тошкент вақти билан 16:30)да бошланади.