UZ

Сўнгги янгиликлар

20:25Гаиска Мендьета: "Хави МЮда ишлашга ўзини тайёрлаб келмоқда"  0 19:53"Парма" ҳужумчиси Англиянинг учта клуби эътиборига тушди  1 19:30Терма жамоа дарвозабони, Қосимовни ютган мураббий, 21 ёшли футболчи — Суперлигада 23-турнинг энг яхшилари   3 19:13Тўрақулов, Искандеров, Ҳожимирзаев, Сергеев ва бошқалар... Суперлига 23-тур рамзий терма жамоаси  2 18:50Ўзбекистон Озарбайжон билан биргаликда Жаҳон чемпионатига мезбонлик қилади!  17 18:36"Арсенал" Сакага ҳафтасига 322 000 евро тўлашга тайёр  2 18:08Жиру: "Европа Лигаси биз учун жуда муҳим"  1 17:40Ла Лига "Атлетико" – "Реал" учрашувида янграган ҳақоратомуз сўзларни қоралади  0 17:12Артета: "Дарвозани дахлсиз сақлаганимиздан жуда хурсандмиз"  0 16:44Расман: Шукуров БАА клубига ўтди  8 16:14Конте: "Захирадан тушганлар ўйинни кучайтирди"  3 16:08Каннаваро тайинлови: пиарми ёки стратегик қарор?  44 15:45Гвардиола: "90 дақиқа Родри учун оғир синов бўларди"  1 15:19Элит ОЧЛ. 2-тур якунлари  0 14:58Де Йонг: "ПСЖ иккинчи бўлимда "Барселона"дан кучлироқ эди"  2

Обрадович: "Нефтчи"га Суперлигада омад тилайман. Фарғоналикларни ҳеч қачон эсдан чиқармайман..." Янгиликлар

Обрадович: "Нефтчи"га Суперлигада омад тилайман. Фарғоналикларни ҳеч қачон эсдан чиқармайман..."

Сайтимиз мухбири "Нефтчи" собиқ ҳужумчиси, Про лига ўтган мавсумининг энг яхши футболчиси Марко Обрадович билан суҳбатлашди.

Бугунги интервьюга рози бўлганингиз учун сизга раҳмат, хозир қаердасиз ва қайси клуб билан шартнома имзоладингиз? 

– Марко, ҳозир қаердасиз? Қайси клуб билан шартнома имзоладингиз? 

– Ҳозирги кунда Сербияда, уйдаман. Сербия Суперлигаси клуби билан шартнома имзолашга яқинман.  

– "Нефтчи"дан кетишингизги нима сабаб бўлган эди?

– Бу саволни менга эмас, клуб раҳбарияти ёки Мўминжоновга берганингиз маьқул. Чунки шартнома муддати тугагач, менга уни узайтириш бўйича мурожаат қилишмади. Шундан кейин кетдим.

– Демак, қолиш ниятингиз бўлган шундайми?

– Ҳа, албатта. Мени Фарғонада хамма нарса қаноатлантирганди, лекин "Нефтчи"дан таклиф бўлмади. 

– Ўзбекистон, хусусан, Фарғона хақида таассуротларингиз қандай? 

– Ўзбекистон халқи жуда хам меҳмондўст. Фарғонада гўзал жойлар кўп, инсонлари ҳам самимий. Кўп жиҳатдан менга ёққан эди.

– Сиз мавсум якунига етгач, сўнгги чемпионлик ўйинидан сўнг ("Нефтчи" – "Динамо" 2:1) тақдирлаш маросимида қатнашмадингиз. Нима сабабдан бундай бўлди?

-Шу куни Дарко Станоевич билан рейсимиз бор эди, бир ой аввал билетларни олиб қўйгандик, агар маросимда қатнашсак, самалётга улгурмас эдик. Шу боис қатнаша олмаганман. 

– Ўтган мавсумда Ўзбекистон Про лигасининг энг яхши ўйинчиси бўлдингиз. Бу қандай амалга ошди? 

– Авваламбор, клубдаги футболчилар билан бир-биримизни яхши тушундик. Шунингдек, меҳнатим самараси ва ўзимга бўлган ишонч энг яхши бўлишимни таъминлади. 

– Обрадович ва Мўминжонов ўртасида келишмовчилик бўлмаганми?  

– Йўқ, Мўминжонов билан ҳеч қандай зиддият кузатилмаган.

– Келаётган мавсумда "Нефтчи" ва унинг мухлисларига тилакларингиз... 

– "Нефтчи” доимо юрагимда сақланиб қолади. Уларга суперлигада омад тилайман. Мухлисларга эса клубга мухлислик қилишда толмасликларини, энг асосийси, соғ-саломат бўлишларини тилайман. Мен фарғоналикларни хеч қачон эсдан чиқармайман. 

Саидабзал Абдуллаев суҳбатлашди

Рейтинг: +14   

Фикрлар

championat.asia
< сўнгги янгиликларни кўриш
Яндекс.Метрика