UZ

Сўнгги янгиликлар

17:28"CAFA Nations Cup-2025". Қирғиз Республикаси — Туркманистон 0:0 (онлайн ҳисоб)  5 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  3 15:37"Челси" — "Фулхэм". Таркиблар маълум  5 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  0 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  2 14:41Расман: Нкунку "Челси"дан "Милан"га ўтди  1 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  1 12:45Ўзбекистон терма жамоаси октябрь ойида Малайзияда Уругвай билан ўйнайди   12 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  7 12:13"Барселона" ва яна учта клуб "Интер" футболчисига даъвогарлик қилмоқда  1 11:48Хойлунднинг янги клуби маълум  1 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  5

Нозим Муллаохунов: “Бунёдкор-2”га қарши ўйин ҳам осон ўтмади” Янгиликлар

Нозим Муллаохунов: “Бунёдкор-2”га қарши ўйин ҳам осон ўтмади”

Кеча биринчи лиганинг 4-тур доирасидан ўрин олган бир қатор учрашувлар бўлиб ўтди.
Андижоннинг “ЎзДонгЖу” клуби душанба оқшомида Тошкентнинг “Бунёдкор-2” жамоасини қабул қилиб 3:1 ҳисобида ғалабага эришди. Ўйиндан сўнг мезбонлар устози сайтимиз учун махсус интервью берди.

- Биласизми, учрашувдан олдин “Бунёдкор-2”нинг ўйинини яхшилаб ўрганиб чиққандик - дея гап бошлади Нозим Муллаохунов. - Тошкентликлар ўтган турда Қўқонда дуранг қайд этгани бежиз эмас албатта. Уларнинг айнан мазкур ўтказган баҳсини кўриб чиқиб шунга монанд тактика танладик.

- “Бунёдкор” шундай клубки унинг ёшлар жамоаси ва умуман бу клубнинг ўз ўйин услубига эга. Академиядаги жамоалар ҳам олий лига клубининг ўйин услубидан фойдаланишади. Ҳаммасининг йўли бир. Шу боис “Бунёдкор” ва ундан ташқари мамлакатимизнинг яна бир ажойиб клубларидан бири “Пахтакор”ни биз доимо ҳурмат қиламиз ва уларга ҳавас қиламиз. Бундай жамоаларга қарши пухта тайёргарлик кўрмасанг жуда қийин бўлади.

- “Бунёдкор-2”нинг таркиби ёшлардан ташкил топган бўлишига қарамай жамоанинг ўйини менга ёқди. Уларнинг таркибида ёшлар терма жамоасига номзод бўлган бир қатор ўйинчилар бор.

- Албатта бугунги учрашув ҳам осон кечмади. Айниқса етакчи ўйинчимиз Дамир Жамолиддиновнинг биринчи бўлимдаёқ жиддий жароҳат олиб майдонни тарк этиши бизни жуда ҳавотирга солганди. Лекин унинг ўрнига тушган умидли ўйинчимиз Салоҳиддин Салоҳиддинов марказда Жамолиддиновнинг ўрнини билинтирмасликка ҳаракат қилди ва унинг майдондан бажарган ишидан кўнглим тўлди.

- Мен доимо айтиб келганман футбол бу – мухлислар учун! Ишқибозларимиз ўйинимизга юқори баҳо бераётган экан демак тўғри йўлдан кетяпмиз. Биз ҳар бир учрашувда фақат ғалаба учун майдонга чиқамиз ва мазмунли ўйинлар билан томошибанларни хушнуд этишга бор кучни сарфлаймиз.

- Жамоамиз эришаётган муваффақиятлар бу биргина менинг ёки футболчиларнинг хизмати билан эмас. Бунда бутун жамоанинг ҳиссаси бор. Фурсатдан фойдаланиб клубимиз раҳбарларига шахсан Зафар Аҳмедович Зулуновга бизга барча шароитларни яратиб бераётгани учун миннатдорчилик билдираман. Қолаверса Сардорбек Латиповга катта раҳмат. Ҳар бир уй ўйинимизда стадионда катта ишларни амалга ошираётган ташкилотчи ҳодимларга ҳам катта раҳмат деб қоламан.

- Ҳозир энди олдимизда 10 кунлик танаффус турибди. Бу вақт давомида керакли хулосаларга чиқариб, камчиликлар устида ишлаймиз. Келаси 2 турни сафарда ўтказамиз. “Косонсой” ва “Хотира-79” жамоаларига қарши кечадиган баҳслар ҳам биз учун осон ўтмаслигини ҳозирдан яхши тушуниб турибмиз. Бу икки ўйинда энг камида 3 очко олишни режалаштириб турибмиз.

Исломбек Рустамбеков суҳбатлашди.   
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика