Носир Абдусаломов: "Чемпионлик? Бу ҳақда ўйлашга эрта"

- Ўйин қийин ўтди. "Шўртан" ўйинга яхши тайёгарлик кўргани билинди. Уч очко қўлга киритмоқчи эдик, ўхшамади. 

- Бу ўйин концерт сабабли "Бунёдкор"да эмас, "Жар" стадионида ўтказилди. Бу ўйинга қанчалик таъсир қилди?

- Баҳс "Жар"да бўлишини билардик. Энди бу майдонга мослашишимиз керак. Чунки олдиндаги 2-3та ўйинимизни шу ерда ўтказамиз. 

- Жамоанинг чемпионликка имкониятларини қандай баҳолайсиз?

- Бу ҳақда ўйлашга ҳали эрта. Ҳар бир учрашувда максимал очколар тўплашга ҳаракат қиляпмиз. Йил охирида турнир жадвалига қараймиз. 

- "Бунёдкор" ушбу мавсумда турнир жадвалидаги фаворитларни мағлуб этяпти, бироқ ўртадаги жамоаларга қарши ўйинларда очколар йўқотмоқда. Бу рақибни менсимаслик билан боғлиқ эмасми?

- Ундай демаган бўлардим. Биз ўйинларга максимал тайёрланамиз. Ўзимиздан кучсизроқ бўлган жамоаларга қарши ўйнаш қийинроқ бўлади. Лекин ўйинга юз фоиз эътиборимизни қаратамиз. Натижаларда муаммолар бўлиб туради.

- Кейинги ўйин "Сурхон"га қарши бўлади.

- "Сурхон"га уч очко учун борамиз. Турнир жадвалидаги ўрнимизни яхшилашимиз керак. 

- Бугунги ўйиндаги энг яхши футболчи сифатида ўзингизни эътироф қилган бўлармидингиз?

- Йўқ. Темурхўжа Абдухолиқов яхши ўйин ўтказди. Ҳимоячиларимиз ҳам яхши ҳаракат қилишди.