- O'yin qiyin o'tdi. "Sho'rtan" o'yinga yaxshi tayyogarlik ko'rgani bilindi. Uch ochko qo'lga kiritmoqchi edik, o'xshamadi.
- Bu o'yin koncert sababli "Bunyodkor"da emas, "Jar" stadionida o'tkazildi. Bu o'yinga qanchalik ta’sir qildi?
- Bahs "Jar"da bo'lishini bilardik. Endi bu maydonga moslashishimiz kerak. Chunki oldindagi 2-3ta o'yinimizni shu erda o'tkazamiz.
- Jamoaning chempionlikka imkoniyatlarini qanday baholaysiz?
- Bu haqda o'ylashga hali erta. Har bir uchrashuvda maksimal ochkolar to'plashga harakat qilyapmiz. Yil oxirida turnir jadvaliga qaraymiz.
- "Bunyodkor" ushbu mavsumda turnir jadvalidagi favoritlarni mag'lub etyapti, biroq o'rtadagi jamoalarga qarshi o'yinlarda ochkolar yo'qotmoqda. Bu raqibni mensimaslik bilan bog'liq emasmi?
- Unday demagan bo'lardim. Biz o'yinlarga maksimal tayyorlanamiz. O'zimizdan kuchsizroq bo'lgan jamoalarga qarshi o'ynash qiyinroq bo'ladi. Lekin o'yinga yuz foiz e'tiborimizni qaratamiz. Natijalarda muammolar bo'lib turadi.
- Keyingi o'yin "Surxon"ga qarshi bo'ladi.
- "Surxon"ga uch ochko uchun boramiz. Turnir jadvalidagi o'rnimizni yaxshilashimiz kerak.
- Bugungi o'yindagi eng yaxshi futbolchi sifatida o'zingizni etirof qilgan bo'larmidingiz?
- Yo'q. Temurxo'ja Abduxoliqov yaxshi o'yin o'tkazdi. Himoyachilarimiz ham yaxshi harakat qilishdi.
