Нўъмон Ҳасанов "Пахтакор"нинг вақтинчалик бош мураббийи
07 июл 2015 09:57
Янгиликлар

Нўъмон Ҳасанов "Пахтакор"нинг вақтинчалик бош мураббийи

Теглар : Пахтакор

Мураббийлар штабида меҳнат қилиб келган Нўъмон Ҳасанов бугундан бошлаб "Пахтакор"нинг вақтинчалик бош мураббийи этиб тайинланди.

Футболчилик фаолиятида 4 карра Ўзбекистон чемпиони ва 2 марта Ўзбекистон Кубоги соҳибига айланган Ҳасанов мамлакатимиздаги энг яхши ярим ҳимоячилардан бири саналарди. Футболчиликни тамомлагач, у фаолиятини мураббий сифатида давом эттиришга қарор қилди. 2012 йил "Пахтакор"нинг биринчи лигадаги жамоасига бош мураббий этиб тайинланган Ҳасанов ўша йилнинг ёзида ёшлар таркиби устозлигини қўлга олди ва якунда жамоани мамлакат чемпионига айлантирди. Кейин эса асосий таркиб мураббийлар штабига жалб этилиб, ўтган йили чемпионлик қўлга киритилишида ҳисса қўшди. Самвел Бабаян миллий терма жамоа бош мураббийи сифатида ишга киришгани боис энди Нўъмон Ҳасанов "Пахтакор"ни бошқарадиган бўлди. Ҳозирча у бу лавозимда вақтинчалик фаолият юритади.

Биз Нўъмон Нурматовичга асосий жамоа устози сифатида фаолияти муваффақиятли чиқишини тилаб қоламиз.

Нўъмон ҲАСАНОВ
Туғилган санаси: 10.02.1971
Ўйнаган жамоалари:
1989-1990 "Автомобилист" 34 (6)
1990 "Соҳибкор" 7 (0)
1990-1993 "Пахтакор" 85 (25)
1995-1997 МҲСК 101 (54)
1998 "Рубин" 8 (0)
1998 "Автомобилист" 16 (2)
1999-2000 "Дўстлик" 47 (15)
2001-2002 "Насаф" 36 (11)
2002-2003 "Дўстлик" 21 (0)
2003 "Қўқон-1912" 12 (3)
2004-2005 "Трактор" 43 (13)
2006-2007 "Шўртан" 42 (5)
2007 "Трактор" 12 (2)
2008 "Сўғдиёна" 17 (1)
2009 "Локомотив" 14 (0)
Ўзбекистон терма жамоасида 23 учрашувда 4 тўп киритган.