Нодирхўжа Юлдашев - Тошкент шаҳар футбол федерациясининг янги вице-президенти
19 окт 2017 15:25
Янгиликлар

Нодирхўжа Юлдашев - Тошкент шаҳар футбол федерациясининг янги вице-президенти

Ўзбекистонда болалар футболига бўлган эътиборни янада ошириш, Ўзбекистон ўсмирлар ҳамда ёшлар терма жамоаларининг Осиё чемпионатларида муваффақиятли тўп тепишларини таъминлаш вазифа этиб қўйилган.

Шу муносабат билан ЎФФ президенти Умид Аҳмаджоновнинг ишончи туфайли Тошкент шаҳар футбол федерациясига Нодирхўжа Юлдашев вице-президент этиб тайинланди. Бу ўзгариш ички чемпионат ва биринчилик, болалар-ўсмирлар ўртасида бўлиб ўтадиган мусобақаларни янги форматга олиб чиқиш ҳамда ОФК талабларига тўлиқ жавоб берадиган ҳолатга келтириш мақсадида амалга оширилди.

Эслатиб ўтамиз, сўнгги йилларда болалар футболига бефарқ бўлмай келган мутахассис, Тошкент шаҳар футбол федерациясида 2010-2013 йилларда фаолият олиб борган.

Яқин кунларда Тошкент шаҳар футбол федерацияси номи остида ўтадиган мусобақалар янгича форматга кўчади. ЎФФнинг болалар футболини ривожлантириш бўлими билан ҳамкорликда ишлаб чиқиладиган дастур, 2018 йилдан эътиборан бутун Республика бўйлаб қўлланилади.

Ҳавола :

Манба : championat.asia

Янгиликларни Телеграмда ўқинг!

Рейтинг: +86