Нидерландия чемпионати камида июнгача тўхтатилди, мавсум муддатидан олдин якунланиши ҳам мумкин

Мамлакат раҳбарияти коронавирес пандемияси сабаб барча оммавий тадбирларни ўтказишни тақиқлаш ҳақида қарор қабул қилди.

Voetball Zone хабарига кўра, ушбу қарор туфайли Нидерландия чемпионати муддатидан олдин якунланиши ҳам мумкин.

De Telegraaf манбасини хабар беришича, Нидерландия Қироллиги футбол федерацияси дарҳақиқат миллий чемпионат баҳсларини муддатидан олдин тугатиш борасидаги вариантларни ўрганиб чиқмоқда. Ушбу ҳолатда чемпион номи эълон қилинади ва ҳеч бир жамоа юқори дивизионни тарк этмайди. Шунингдек, Эредивизияга қуйи лига – Эрстедивизиядан икки клуб – “Камбюр” ва “Де Графсхап” қўшилиши мумкин.