UZ

Сўнгги янгиликлар

12:26Зинченко Лондоннинг бошқа клубига ўтиши мумкин  0 11:58"Ньюкасл" 55 млн фунтлик трансферни амалга оширди  1 11:32"Реал" Мак Аллистерга қизиқмоқда, аммо...  0 11:00Родриго “Арсенал“га ўтиши учун аниқ бир талабни қўйди  8 10:34А Сериянинг яна бир тўпурари Саудияга йўл олиши мумкин  1 09:24Допинг сабаб икки йил футбол ўйнамаган жаҳон чемпиони Б Серия жамоасига ўтди  1 08:55“Реал“ ҳужумчиси икки ойга сафдан чиқди  2 08:27Томас Мюллер фаолиятини Европанинг кутилмаган жамоасида давом эттириши мумкин  0 07:58“Реал“ 90 миллионга таянч ярим ҳимоячи сотиб олмоқчи  4 07:32Луи ван Гал саратон касаллигини енгганини эълон қилди  1 00:49"Кристал Пэлас" "Лион" туфайли Европа лигасида иштирок эта олмайди. Нега?  5 00:05Муҳаммадали Ўринбоев "Антверпен" таркибида дебют қилди  6 23:58Флик тер Штегенга янги мавсум асосий дарвозабони бўлмаслигини айтди  7 23:14Модрич: "Мен доимо "Реал" мухлиси бўлиб қоламан"  2 22:52Алонсо "Реал" раҳбариятидан таянч ярим ҳимоячисини трансфер қилишни сўрамоқда  15

"Нефтчи": Ёшларимиз "Андижон"га қарши ўйнашди Янгиликлар

"Нефтчи": Ёшларимиз "Андижон"га қарши ўйнашди

Теглар :  НефтчиАндижон
Иккинчи даврага хозирлик кўраётган Баҳром Ҳайдаров бош мураббийлигидаги “Нефтчи” ёшлар жамоаси 19 июль куни Андижондаги БЎФМ стадионида “Андижон” жамоасига қарши ўртоқлик баҳсида иштирок этишди.

Учрашувда андижонликлар 4:2 натижасида зафар қучишди.

Шу куни биринчи лига етакчиси таркибида Акмал Холматов, Ҳамза Каримов, Анвар Бердиев каби бир қатор тажрибали ижрочилар ҳаракатланди. Шунингдек, биринчи даврани “Нефтчи”да ўтказган Фурқат Ҳасанбоев ҳамда Саид Абдужабборлар ҳам “Андижон” шарафини ҳимоя этишди. Баҳром Ҳайдаров мана шундай жиддий беллашувлар орқали ўз шогирдларини иккинчи давра баҳсларига тайёрланмоқда. Шунингдек ёш ва иқтидорли футболчилар жамоа кўригидан ўтмоқда.

Беллашув ёшларимиз учун катта тажриба мактаби бўлди дейиш мумкин. Гарчи ҳисоб вакилларимиз учун қониқарсиз кўриниш олган бўлсада, Баҳром Ҳайдаров шогирдлари ўзларида яхши таассурот қолдиришди.

Ўйинда “Андижон” ҳисобни очди. Тажрибали Акмал Холматов узоқ масофадан ёш дарвозабон Шуҳрат Раҳмоновнинг хушёрлигини синаб кўрди ва унинг берган зарбасин чиройли голга айланди. 1:0

Кўп ўтмай меҳмонлар таркибидан Исломбек Каримов ҳисобни тенглаштирди. Майдон марказида рақибга кучли прессинг уюштирган ёш фарғоналиклар тўпни рақибдан олиб қўйишди ва қарши ҳужумга ўтиб кетишди. Оқибатда  Каримов дарвозабон билан бирга-бир вазиятга чиқиб борди ва имкониятдан унумли фойдаланди. 1:1

Ўз мухлислари қаршисида тўп сураётган “Андижон”ни ҳисоб қониқтирмаслиги аниқ эди.  Шу сабаб Усмон Тошев шогирдлари кетма-кет “Нефтчи” дарвозасига ҳужум уюштиришди. Мана шундай ҳужумларнинг бири қўполлик билан тўхтатилди ва бош ҳакам пенальти белгиланди. 11 метрлик жарима тўпини Алишер Абдувоҳидов тепди. Унинг илк зарбасини “Нефтчи” дарвозабони қайтарди. Бироқ қайтган тўпга ҳаммадан бири андижонлик футболчининг ўзи етиб келди… 2:1. Биринчи бўлим шу ҳисобда якунланди.

Иккинчи тайм ҳам голлар ва хавфли вазиятларга бой бўлди. Бўлимни “Нефтчи” ёшлари гол билан бошлашди. Танаффусдан Баҳром Ҳайдаровдан керакли кўрсатмаларни олган меҳмонлар кетма-кет ҳужумларни амалга оширишди. Вазиятларнинг биридан яна ўша Исломбек Каримов самарали фойдаланди ва ўз дублини нишонлади. 2:2.

Мазкур натижадан сўнг Баҳром Ҳайдаров “Нефтчи” дарвозабонини алмаштирди. Майдонга Машхур Муҳаммаджонов туширилди. Бироқ иқтидорли посбоннинг майдонга чиқиши унчалик даражада омадли чиқмади. Шундан сўнг андижонликлар хавфли вазиятлардан 2 тасини аниқ фойдаланиш ва кетма-кет гол уришга муваффақ бўлишди. 4:2.

Асосий таркиб: Шуҳрат Раҳмонов, Шодиёр Хожиматов, Абдужалил Маназаров, Бунёд Абдуманонов , Ҳусанбой Ғаниев, Ислом Тошпўлатов, Ислом Каримов, Хуршид Асқаралиев, Абдуқодир Артиков, Эламон Каримов, Ҳамидулло Абдуҳамидов

Захира: Машхур Муҳаммаджонов, Сардор Исаков, Ботир Мамасидиқов, Нодир Тўланов, Илхом Вахобов, Асил Ғоибжонов.










“Нефтчи” матбуот хизмати

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика