"Навбаҳор": Тайёргарлик Тошкентда давом эттирилади
25 апр 2017 09:05
Янгиликлар

"Навбаҳор": Тайёргарлик Тошкентда давом эттирилади

Ғузорнинг “Шўртан” жамоасига қарши ўйиндан кейин икки кун давомида Наманганда машғулот ўтказган "Навбаҳор" аъзолари “Пахтакор”га қарши баҳсга ҳозирликнинг қолган қисмини Тошкентда ўтказишади.

Кеча эрталаб ўтказилган машғулотдан кейин футболчиларга қисқа муддатлик дам олиш эълон қилинди. Бугун жамоа аъзолари Тошкентда тўпланиб машғулотларни давом эттиришади. “Шўртан”га қарши ўйинда жароҳат олиб майдонни тарк этган Аббос Отахонов маълум вақт давомида даволаниш билан банд бўлади.

Эслатиб ўтамиз, “Пахтакор” билан ўтадиган учрашув 28 апрель куни “Пахтакор” марказий ўйингоҳида бўлиб ўтади.