UZ

Сўнгги янгиликлар

10:30Португалия футболи юлдузлари "Шон-шараф" залига киритилди  0 10:04МЮнинг яна бир футболчи фаолиятини Туркияда давом эттиришга яқин  0 09:38Опта ЕЧЛ ғолиблигига даъвогарлар рейтингини тузиб чиқди  4 09:10Холанд Молдовага урилган голлар учун дарвозабондан узр сўраган  1 08:43"Ал Иттиҳод" 20 ёшли сербиялик футболчига 21 миллион евро тўлади  1 08:16Суперлига. Бугун Қашқадарё дербиси бўлиб ўтади  0 07:44Криштиану Роналду яна бир совринга эга чиқди  6 01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  6 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  6 22:21Виктор Карпенко: "Илк гол сабаб биринчи бўлимда тўртта ўтказдик"  8 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  5 20:52Суперлига. "Насаф" "Бухоро"ни йирик ҳисобда мағлуб этди  64

"Навбаҳор": Назорат ўйинида дуранг қайд этилди Янгиликлар

"Навбаҳор": Назорат ўйинида дуранг қайд этилди

Теглар :  Навбаҳор
Режага кўра "Навбаҳор" бугун назорат ўйинида майдонга тушди.

Дастлаб рақиб сифатида биринчи лига вакили “Хотира-79” жамоаси танланганди. Лекин, уйчиликлар сўнгги паллада ўртоқлик учрашувини ўтказмасликка қарор қилишгач, мураббийларимиз ёшлар жамоаси билан баҳс юритишга қарор қилишди. Бундан бироз вақт олдин назорат ўйини якунига етди. Учрашувда асосий таркиб вакиллари ёшлар ва асосан захирада қолаётган ўйинчилардан ташкил топган жамоа билан куч синашишди. Ҳар бир бўлими 35 дақиқадан иборат бўлган назорат ўйинида 2:2 ҳисобидаги дуранг қайд этилди. Мураббийлар айрим футболчиларни икки таркибда ҳам кўздан кечиришди.

Учрашувни анча фаол бошлаган иккинчи таркиб аъзолари тезкор гол уришга эришишди. 7-дақиқада Ҳ.ЭргашевА.Султонов-Ҳ.Эргашев комбинацияси гол билан якун топди. Марказдан олдинга интилиб, қанотдан Султонов ҳужумга ундаган Эргашев ўзи бошлаган ҳужумни самарали якунлай олди. Орадан бироз вақт ўтиб эса Абдуазиз Султонов икки ҳимоячини доғда қолдирган ҳолда ўнг қанотдан олдинга интилиб, Аҳмад Мамадалиевни тўп билан таъминлади. Ёш футболчимиз эса якуний зарбани беришда хатога йўл қўймади – 0:2. Асосий таркиб вакиллари бир қатор ҳужумлар ташкил этишган бўлсада узоқ вақт давомида уринишлардан самара чиқара олишмади. 31-дақиқага келиб эса улар ҳисобдани фарқни қисқаартиришга эришишди. Азизбек Турғунбоев ўзига ишлатилган қўполлик учун белгиланган жарима зарбасини голга айлантира олди. Турғунбоев чамаси 18 метрлар узоқликдан белгиланган жаримадан самарали фойдаланди.

Иккинчи бўлим давомида ҳар икки томонда ҳам гол уриш учун бир қатор вазиятлар юзага келди. Шунга қарамай, ҳужумларни голга айлантиришда футболчиларга аниқлик етишмади. Ўйин якунланиши арафасида Неманья Йованович Нодир Ашурматов дарвозасига белгиланган пенальтини аниқ амалга ошириб, якуний натижани дуранг бўлишини таъминлади. Мазкур учрашувда ўзини кўрсата олган Аҳмад Мамадалиев эндиликда асосий таркиб билан машғулот ўтказиш имконига эга бўлганлигини ҳам қўшимча қилиш жоиз.

“Навбаҳор-1” – “Навбаҳор-2” – 2:2 (1:2). 10 июнь. Наманган. “Марказий” ўйингоҳ.
Ҳакамлар:
М.Маматхонов, Р.Одилов, М.Нехочин.
“Навбаҳор-1”: 87. Акмал Ортиқов, 4. Аббос Отахонов (2. Аҳмад Мамадалиев, 49), 7. Ойбек Қиличев, 9. Дилшод Жабборов, 10. Мансур Саидов, 19. Мирзоҳид Ғофуров, 21. Аъзам Алиев (4. Аббос Отахонов, 58), 32. Жаҳонгир Меҳмонов, 44. Дарко Станоевич,  77. Азизбек Турғунбоев, 84. Неманья Йованович.
“Навбаҳор-2”: 12. Нодир Ашурматов, 2. Алишер Саматов, 3. Ҳасанбой Эргашев, 5. Искандар Сиддиқжанов (22. Ҳожиакбар Юнусов, 36; 95. Юнусбек Абдувоҳидов, 57), 7. Аҳмад Мамадалиев (21. Жавоҳир Олимжонов, 48), 8. Равшан Хурсанов, 9. Музаффар Абдуллаев (10. Билол Тошмирзаев, 36), 11. Абдуазиз Султонов, 17. Илҳом Бойдедаев, 20. Алишер Мирзаев, 33. Тоҳир Шамситдинов.
Голлар: А.Турғунбоев (31), Н.Йованович (64-пен.) – Ҳ.Эргашев (7), А.Мамадалиев (12).
Огоҳлантиришлар: М.Ғофуров (46) – Т.Шамситдинов (47).
 

Рейтинг: -4   

Фикрлар

championat.asia
< сўнгги янгиликларни кўриш
Яндекс.Метрика