"Навбаҳор": Навбатдаги ўйин 26 январда бўлади

Январь ойи бошида тиббий кўрикдан ўта олмаган ва таркибга кечроқ қўшилган футболчилар тиббий кўрикдан ўтишди. Таркибда айтарли ўзгаришлар кузатилмаганлигини айтиб ўтиш жоиз. Йиғинда иштирок этаётган иқтидорли ҳужумчилардан бири Илҳом Алибоев Наманганга қайтиб ёшларимиз сафида "Ҳоким кубоги"да иштирок этади. Шунингдек, жамоада кўрикдан ўтиш учун таклиф этилган Бобир Тиллабоев (“Локомотив”), Шуҳрат Ҳамидов (“Хотира-79”)лар “Ҳоким кубоги” мусобақасида ёшларимизга ёрдам беришади. Асосий таркиб вакиллари Тошкентдаги навбатдаги назорат учрашувини 26 январь куни “Бухоро” жамоасига қарши ўтказишади.