"Навбаҳор": Навбатдаги йиғин бошланди

Бу сафарги йиғин Тошкентда бўлиб ўтади. Бундан бир соат олдин пойтахтдаги “Ўзбекистон” меҳмонхонасида йиғилган футболчиларимиз бугун “Динамо” ўйингоҳида машғулот ўтказишди. Навбатдаги йиғинда 25 нафар футболчи иштирок этади. Чирчиқда бўлиб ўтган машғулотларда қатнашган Омон-Биик Ҳалилов ва Сардор Теляковлар навбатдаги йиғинга жалб этилишмади. Улар ҳозирда Наманганда бўлиб ўтаётган ёшлар жамоаси машғулотларида қатнашишмоқда.

Тошкентда бўлиб ўтадиган навбатдаги йиғин 27 июлга қадар давом этади. Бу вақт оралиғида иккита ўртоқлик учрашувини ўтказиш ҳам кўзда тутилган. Дастлаб, футболчиларимиз 24 июль куни Самарқанднинг “Динамо” клуби баҳс олиб боришади. 26 июль санасида эса Ғузорнинг “Шўртан” жамоаси билан куч синашилади. Рўй бериши мумкин бўлган ўзгаришлар ҳақида кейинроқ маълумот берамиз.