"Навбаҳор" - "Локомотив". Ўйин атрофидаги воқеъликлар, скутердаги байроқлар ва "Эйфель"даги тушлик ҳақида

Сайтимиз делегацияси кўпчиликнинг диққат марказида бўлиб турган мазкур баҳсни бевосита стадионни ўзидан ёритиб бориш мақсадида эрта тонгдан йўлга отландилар. Наманган шаҳрига етиб келганимизда вилоят маркази узра футбол ҳавоси кезиб юрганлигига гувоҳ бўлдик. Узоқ йўл босиб келганлигимиз туфайли ўйиндан олдин тушлик қилиб олишга эҳтиёжимиз бор эди. Шаҳар кўчаларини кезаётганимизда "Эйфель" деб номланган кафе диққатимизни тортди.

Айнан мана шу кафеда тамадди қилиб олганимиздан сўнг, ҳали ўйин бошланишига 3 соат борлигига қарамасдан стадион томон ошиқдик. Стадион кириш эшиклари ёнида скутер ва кичик машиналарга ўрнатилган ватанимиз байроқлари жуда ажойиб манзарани акс эттираётганди.

Ўйинолди жараёнларни кузатиб бориш билан бирга ўйингоҳга кириш учун сотилаётган чипталар савдоси билан қизиқдик. Махсус автомобилларда сотилаётган кириш чипталарига навбат жуда кўп эди.

Учрашув бошланишига икки соатдан кўпроқ вақт қолганда мухлисларни стадионга киритиш жараёни бошланди. Стадион кириш эшиклари ёнида тўпланган мухлисларга ҳавас қилса арзийди.

Учрашувни бевосита стадиондан кузатиб бориш учун келаётган айрим мухлисларни алоҳида кадрда суратга туширишга ҳам улгурдик.

Бу ота-бола мухлислар "Навбаҳор"нинг 5:0 ҳисобидаги ғалабасини тахмин қилишган экан...

Ниҳоят ОАВ вакиллари ва журналистлар учун белгиланган жойдан "Марказий" ўйингоҳга кириб келдик.

Бу вақтда стадион мухлислар билан тобора тўлиб бораётганди.

Ўйиндан олдин таниқли санъаткорларнинг чиқишлари мухлисларга янада юқори кайфиятни тақдим этди.

Учрашув бошланишига бир соат қолганда стадион мухлислар билан деярли тўлиб бўлганди

Бу эса ўйиндан олдин Championat.asia мухбири билан суратга тушсанг, албатта гол урасан деб номланган сурат

Ўйиндан олдин расмий шахслар иштирокида Наманган вилоятида катта футбол мавсумининг очилиш маросими бўлиб ўтди.

Ниҳоят орзиқиб кутилган учрашув бошланди. Ўз майдонидаги мавсумнинг дастлабки учрашувини 25000дан зиёд футбол мухлислари қаршисида ўтказган "Навбаҳор" Азимжон Аҳмедов ва Игорь Голбаннинг иккинчи бўлимда урган голлари эвазига 2:0 ҳисобида ғалаба қозонди.

Навбаҳор Азим Аҳмедов - 64', Игорь Голбан - 88'

Суперлига. 2-тур 06/03/2020, 18:15 0 : 2 Тугади

Локомотив

45'

90'

59'  Иван Соловьёв

63'  Забиҳилло Ўринбоев (Шоҳрух Маҳмудҳожиев)

64'  Азим Аҳмедов

82'  Иван Соловьёв (Жавлон Иброҳимов)

88'  Игорь Голбан

90'  Ислом Рашидхонов (Павел Голишев)

18'  Олег Зотеев

39'  Кирилл Погребняк

59'  Даврон Умиров

63'  Кирилл Погребняк (Диёр Туропов)

65'  Даврон Умиров (Вадим Афонин)

71'  Марат Бикмаев

85'  Даврон Ҳошимов

86'  Шаҳзод Шайманов (Абдулазиз Юсупов)

89'  Темурхўжа Абдухолиқов

Матч-центрда очиш