"Насаф"нинг ОЧЛ-2014 плей-оффидаги рақиби илк бор мағлуб бўлди

Кеча Қатар юлдузлар лигаси 11-турида "Ал Жайиш" клуби сафарда "Ал Аҳли" меҳмони бўлиб мавсумдаги дастлабки мағлубиятини қабул қилиб олди.

Шу кунга қадар бўлиб ўтган 10та ўйинда 7та ғалаба ва 3та дуранг қайд этган Резван Луческу шогирдлари "Ал Аҳли"га 2:3 ҳисобида мағлуб бўлишди. "Жайиш" сафида голларни нигериялик Калу Уче ва бразилиялик Вагнер Рибейро уришди.

Энди "Ал Жайиш" "Ал Садд" билан биргаликда пешқадамлик қилмоқда. Иккала жамоа ҳисобида 24тадан очко мавжуд. "Насаф"нинг рақиби кейинги турни 10 декабрь куни "Ар Райян"га қарши сафарда ўтказади.

Қатар юлдузлар лигаси мусобақа жадвали

"Ал Аҳли" - "Ал Жайиш" 3:2
Голлар: Мешаал Абдулла 30, М.Жабари 45, Калуйитука 58 пенальти - Калу Уче 15, Вагнер Рибейро 62.
"Ал Жайиш": Сауд Муборак, Али Санад, (Рами Фаёз, 83) Андерсон Мартинс, Мурад Нажи, Весам Ризиқ, Вагнер Рибейро, Сеул Ки Го (Холид Ал Зрейки, 59), Матнани, Мажид Муҳаммад, Калу Уче, Муҳаммад Жедо (Моҳир Юсуф, 59).

Нарзулла Сайдуллаев.