“Насаф” Туркияда Кипр клубини мағлуб этди

Аслида кеча бўлиб ўтиши режалаштирилган ушбу назорат учрашуви, об-ҳаво ноқулайлиги туфайли бугунга қолдирилган эди.
 
"Насаф"нинг рақиби Кипр мамлакатининг  “АЕЛ Лимассол” жамоаси бўлди. Учрашувнинг биринчи бўлимида ҳисоб очилмади. Иккинчи бўлимда жамоанинг тажрибали ҳужумчиси Шахбоз Эркинов рақиб дарвозасини ишғол қилди. Ушбу ҳисоб ўйин охиригача ўзгармасдан қолди.
 
Шундай қилиб, Анталиядаги биринчи назорат учрашувида "Насаф" ғалаба қозонди.
 
Қуйида бугунги биринчи назорат учрашувида майдонга тушган "ажадарлар" таркиби билан танишинг.
 
Назорат учрашуви. 11.01.2017.
“Насаф” (Ўзбекистон) – “АЕЛ Лимассол” (Кипр) 1:0
Гол: Шаҳбоз Эркинов, 55’-1:0
 
“Насаф”: Санжар Қувватов, Ғолиб Ғайбуллаев, Игорь Голбан, Мақсуд Каримов, Фарруҳ Сайфиев, Дилшод Хушбаков, Сирожиддин Қўзиев, Дилшод Раҳматуллаев, Ислом Рашидхонов, Ислом Кенжабоев, Шахбоз Эркинов
 
Захирадан майдонга тушганлар: Дониёр Нарзуллаев, Нажмиддин Нормуродов.
 
"Насаф" шунингдек бугун яна бир назорат учрашуви ўтказади. Жамоанинг иккинчи назорат учрашувидаги рақиби Озарбайжоннинг таниқли “Нефтчи” жамоаси бўлади.