"Насаф" ОЧЛдаги ахборот ҳамкорлик учун "Championat.asia"ни тақдирлади

Қаршидаги "Марказий" стадионида лойиҳа раҳбари Нодирхўжа Юлдашев ва клуб бош менежери Шамил Ярулин ўртасида бўлиб ўтган учрашув чоғида, ҳудудда ОАВга бўлган муносабатни ошириш, Қашқадарё вилояти шарафини ҳимоя қилаётган клублар, "Насаф", "Шўртан" ва "Машъал" жамоаларга эътиборни янада ошириш борасида таклифлар кўриб чиқилди.

Ундан ташқари, болалар футболи борасида айрим лойиҳалар ўртасида ҳамкорлик қилиш келишиб олинди. 

"Championat.asia" сайти ОЧЛ ўйинларини барчасини Қаршидан туриб ёритганлиги учун клуб ўз музейидаги биллур совринни эсдалик учун тахририятга совға қилди.

Ўз навбатида ОЧЛ ўйинларини ёритишимиз учун шароит яратиб берганлиги учун "Насаф" матбуот котиби Азиз Нурий, фотомухбир Сардор Нуров ва маркетинг бўлими бошлиғи Заҳро Каримовага сайтимиз номидан ўз миннатдорчилигимизни билдирамиз.