Намангандаги шоу бошланди ФОТОГАЛЕРЕЯ

Стадионга ташриф буюрган футболчилар ўзлари истиқомат қилган базани кўздан кечирдилар. Бундай шароитда биз тўп тепмаганмиз, нима учун яхши шароитда аутсайдер бўлиб юрибди бу жамоа футболчилари дегувчилар кўп бўлди. Стадионга кириб келар эканлар, собиқ футболчилар олқишлар оғушида қолдилар.

Шундан сўнг, вилоят ҳокими ва футбол федерацияси президенти Бозоров Хайрулла Ҳайитбоевич нутққа чиқиб, 20 йил аввалги чемпионлик учун бу футболчиларга Наманган халқи номидан миннатдорчилик билдирди ва бугунги авлод ҳам чемпионликни соғиниб қолган мухлислар учун ўйнашлари лозимлигини таъкидлаб ўтди.  Шунингдек, футзал бўйича Осиё чемпионатида кумуш медал соҳиби, терма жамоамизни ЖЧга чиқишида муносиб улуш қўшган наманганлик дарвозабон Рустам Умаров ҳам эслаб ўтилди. Ундан ташқари, Рио Олимпидаси йўлламасини қўлга киритган Муроджон Аҳмадалиев томон ҳам илиқ фикр билдириб ўтилди.

Ҳоким ўз сўзини якунига етказгач, футболчилар билан эсдалик учун суратга тушди ва меҳмонлар ВИП ложа томон йўл олдилар. Айни пайтда стадионда эл суйган санъаткорлар, Озодбек Назарбеков ва Алишер Файз мухлисларни ўз қўшиқлари билан хушнуд этяптилар.

Фото: Нодирхўжа Юлдашев ва Толибжон Қосимов