Наманганда "Келажагимиз умидлари" фестивали якунланди
24 янв 2018 17:09
Янгиликлар

Наманганда "Келажагимиз умидлари" фестивали якунланди

Аввал хабар бериб ўтганимиздек, 20 январь куни Наманган шаҳридаги “Баркамол авлод” спорт мажмуасида Ўзбекистон футбол федерациясининг "Келажагимиз умидлари" футбол фестивали бошланганди.

Тўрт кун давомида вилоят туманлари ва шаҳридаги ўрта таълим мактабларининг 6-7, 8, 9 ва 10 ёшли ўқувчиларидан ташкил топган терма жамоалар фестивалда иштирок этишди. Фестивал давомида болалар махсус машқларни бажаришиб, ўзаро футбол ўйинларида куч синашишди.

Умумий ҳисобда тўрт кун давомида 400 нафардан ортиқ ёш футболчиларга қувонч улашилди. Ҳар кун бўлиб ўтган фестивал якунида иштирокчилар футбол тўплари ва ЎФФнинг қатнашчилар учун махсус тайёрланган сертификатлар топширилди.