Мухтор Қурбонов: “Ўйлайманки молиявий муаммолар яқин орада ҳал этилади”

Бунга сабаб шуки, ғузорликлар ўтган шанба куни Муборакда “Машъал”ни мағлуб этди. Гарчи жамоада молиявий муаммолар бўлсада, “Шўртан”нинг турнир жадвалида эгаллаб тургани ўрнини қониқарли баҳолаш мумкин. 

- “championat.asia” сайтини кузатиб бораман. Лекин рамзий терма жамоадан ўрин олганимни сиздан эшитиб турибман. Очиғи, бу мен учун кутилмаган совға бўлди. Чунки ҳаёлимга ҳам келтирмагандим. Бундай рағбат кишига қўшимча куч бағишлайди. Насиб қилса кейинчалик ҳам рамзий терма жамоага киришга харакат қиламиз. Бунинг учун жамоам билан ижобий натижа қайд этишимиз керак – дея гап бошлади Мухтор Муродович. 

- “Машъал” билан ўтказган ўйинимизга келадиган бўлсак, йигитларнинг “Пахтакор” устидан қозонилган ғалабадан сўнг кайфияти юқори эди. Ўзларига бўлган ишонч ортди. Муборакка фақат ғалаба учун боргандик ва якунда мақсадимизга эришдик. Ўйин бошида мезбонлар бизга ташаббусни бериб қўйди деб ўйлайман. “Машъал” футболчилари биринчи голни киритганидан сўнг дарвозамиз томон пенальти белгиланди. Темур Жўраев 11 метрлик зарбани қайтаришга эришди. Шундан кейин футболчиларимнинг шашти янада юқори бўлди. Дастлабки бўлимда ҳисобни тенглаштиришга эришдик ва танаффусга дуранг билан чиқиб кетилди. Иккинчи таймда эса энди “Шўртан” фойдасига пенальти белгиланди. Бундан ҳужумчимиз Игорь Таран аниқ фойдаланиб, ҳисобда олдинги олиб чиқди. Гарчи ғалаба қозонган бўлсакда, қийин ўйин бўлди деб ҳисоблайман. 

- Молиявий муаммолар? Биласизми ҳозир деярли ҳар бир жамоада бундай камчиликлар бор. Ўйлайманки “Шўртан”да бу муаммо яқин орада бартараф этилади. Бугун жамоамиз мутасаддилари билан учрашдим. Тўғри, бундай вазиятда футболчиларни учрашувга тайёрлаш ҳам қийин бўлмоқда. Лекин шунга қарамай йигитлар ҳар бир учрашувга ижобий натижа учун чиқмоқда. Уларни клуб билан амалда шартномаси бор. Ҳар бир баҳсда жон қойитиб ўйнамоқда. Бунинг учун уларга раҳмат айтиш керак. 

Исломбек Рустамбеков суҳбатлашди.