Мухтор Қурбонов: "Андижонга ғалаба қозониш мақсадида келгандик"

- Бугун томошабоп ўйин бўлди деб ўйлайман. Чунки иккала жамоа ҳам очиқ ва ҳужумкор ўйин намойиш этди. Гол уришимиз учун бир қатор вазиятлар бўлди. Аммо бу имкониятлардан фойдалана олмадик. Натижада учрашув жанговор дуранг билан якунланди. Гарчи сафарда дурангга эришган бўлсак-да, натижадан қониққаним йўқ. Боиси Андижонга ғалаба қозониш мақсадида келгандик.

Афсуски, юта олмадик. Ўйиндан қайсидир маънода қониқиш ҳосил қилган бўлсам-да, вазиятлардан фойдалана олмаганимиз ранжитди. Сўнгги пайтларда голли вазиятлардан фойдаланишда оқсаяпмиз. “Насаф” ва ундан аввал “Пахтакор” билан бўлган учрашувларда ҳам гол уришимиз учун имкониятлар бўлди. Бир тарафдан, жамоамизда ҳар бир ўйинда голли вазиятлар бўлаётгани мени хурсанд қилмоқда.

 -Таран бугун кўп югургани боис чарчаб қолганини сездим. Ҳар бир мураббий ўйинда янги кучларни тушириб бурилиш ясагиси келади. Мен ҳам Клишинни майдонга тушириб ўйинни кучайтиришни ўйлагандик. Чунки Виктор ўтган турда “Насаф” билан ўйинда яхши ҳаракат қилганди. Шу сабабли Таранни Клишинга алмаштиргандим.