Мурод Исмоилов: "Янги футболчилар "Нефтчи"ни кучайтиришига ишонаман"
21 июл 2016 16:57
Янгиликлар

Мурод Исмоилов: "Янги футболчилар "Нефтчи"ни кучайтиришига ишонаман"

"Нефтчи" - "Бухоро" (2:3) ўртасидаги ўртоқлик учрашувидан сўнг фарғоналиклар катта мураббийи Мурод Исмоилов ўз фикрларини билдирди.

"Иккинчи даврага тайёргарликнинг биринчи қисмини 9-20 июль оралиғида Дукентда ўтказдик. У ерда футболчиларга асосан жисмоний юкламалар берилди.

Бугун режа бўйича дастлабки ўртоқлик учрашувини "Бухоро"га қарши ўтказдик. Футболчилар тоғда берилган юкламалардан сўнг илк ўйин учун ёмон ҳаракат қилишмади.

Энди 23 июлда "Пахтакор" билан Қибрайда ўйнаймиз. Кейин Фарғонага қайтиб 26 июлдан иккинчи давранинг илк учрашувига тайёргарликни бошлаймиз.

Таркибга ўзимиз билган, бизда ўйнаган футболчилар Акмал Холматов, Анвар Бердиев ва Сардор Раҳмонов қўшилишди. Улар жамоани кучайтиришларига ишонаман", - дейди Мурод Исмоилов.

Нарзулла Сайдуллаев

Ҳавола :

Манба : championat.asia

Янгиликларни Телеграмда ўқинг!

Рейтинг: -6